Па словах загадчыцы лабараторыі грыпу Рэспубліканскага цэнтра гігіены, эпідэміялогіі і грамадскага здароўя Наталлі Шмялёвай, на мінулым тыдні ў Беларусі адзначалася нізкі ўзровень захворванняў на вострыя рэспіраторныя інфекцыі.
Рост захворвання на ВРІ і грып прагназуецца ў тыповыя для нашай краіны тэрміны: канец студзеня — пачатак лютага. І на гэты момант няма ніякіх падстаў для ўнясення змяненняў у гэты прагноз, адзначыла эксперт. Наталля Шмялёва дадала, што ўздым захворвання на ВРІ і грып у краінах Еўрапейскага рэгіёну пачаўся з 48-га каляндарнага тыдня. У Беларусі ён традыцыйна чакаецца праз паўтара-два месяцы, піша «Медыцынскі веснік».
«Цяперашні эпідэміялагічны сезон не будзе адрознівацца ад папярэдняга. Мы вярнуліся да яго дакавіднай плыні. Так, узбуджальнік COVID-19 на некаторы час выцесніў вірусы грыпу і іншыя ўзбуджальнікі ВРІ. Аднак яны паступова аднаўляюць сваю сезонную цыркуляцыю, з чым быў звязаны больш ранні пачатак уздыму захворвання на грып у папярэднія гады. Цяпер гэтага няма», — расказала яна.
У сваю чаргу прафесар Ігар Карпаў адзначыў, што студзень у нашай краіне традыцыйна характарызуецца сезонным уздымам захворвання на грып. Гэта адбываецца кожны год з улікам кліматычных умоў, вільготнасці і тэмпературы паветра ў гэты перыяд.
«Ніякіх аналогій з пандэмічнымі вірусамі праводзіць ні ў якім разе не трэба. Гэта звычайнае ўзрастанне захворвання і, хачу падкрэсліць, менавіта грыпознай інфекцыі. Усё праходзіць як звычайна. Безумоўна, пасля пандэміі каранавіруснай інфекцыі 2020-2022 гадоў цікавасць да гэтай праблемы ўзрасла. Але вірусаў, якія валодаюць пандэмічнай актыўнасцю, у свеце зараз няма», — сказаў ён.
Прафесар нагадаў, што эфектыўным спосабам прафілактыкі грыпу з'яўляецца вакцынацыя. Перш за ўсё гэта тычыцца кантынгентаў з групы рызыкі: маленькіх дзяцей, цяжарных жанчын, пажылых, а таксама людзей з наяўнасцю саматычных захворванняў у анамнезе.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары