Рэдкі трыцыкл Polaris Slingshot SL трапіў у аб'ектыў супрацоўніка выдання Tochka.by. Па словах уладальніка тэхнічнага сродку, гэта нібыта адзіны трыцыкл гэтага вытворцы, зарэгістраваны ў Беларусі.
Для таго, каб перасоўвацца на «Рагатцы» (менавіта так перакладаецца Slingshot), патрэбна катэгорыя «А», транспартны сродак зарэгістраваны як матацыкл. Пры гэтым пілот і пасажыр размяшчаюцца ўнутры сталёвай прасторавай рамы і прышпіленыя трохкропкавымі рамянямі бяспекі.
Як сцвярджае ўладальнік, пад дном трыцыкла ўсталяваны поўны камплект абарон, што ў тэорыі дазваляе выкарыстоўваць Slingshot нават як пазадарожнік. Не кажучы пра тое, што ім можна карыстацца на дарогах агульнага карыстання. Але ездзіць на ім можна толькі ў шлеме. Сядзенне і салон у гэтым тэхнічным сродку воданепранікальныя.
Рухавік у гэтага цуду тэхнікі размяшчаецца спераду, яго аб'ём 2,4 літра, магутнасць — 173 конскія сілы. Маса трыцыкла — 783 кілаграма. Максімальная хуткасць вызначаная як 200 км/г, разгон з 0 да 100 па пашпарце займае 4,5 секунды, але на практыцы гэтага дабіцца цяжка.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні6
Каментары