Стала вядома, што плануюць зрабіць з трамвайнымі рэйкамі на вуліцы Кастрычніцкай у сталіцы.
Да 2015-га года па вуліцы Кастрычніцкай курсіраваў трамвайны маршрут № 2. У канцы свайго існавання ён рабіў лічаныя рэйсы ў дзень, прычым толькі ў гадзіну пік. Маршрут быў вельмі кароткі — да плошчы Мяснікова.
«Двойку» адмянілі пасля таго, як была закрыта для руху лінія наземнага рэйкавага транспарту на чыгуначны вакзал. Падчас рамонту трамвайных шляхоў паварот на вул. Кастрычніцкую быў разабраны.
— Старыя трамвайныя шляхі пакінутыя, бо мы хочам у перспектыве абсталяваць у гэтым месцы конку, — паведаміў «Мінск-Навінам» кіраўнік адміністрацыі Ленінскага раёна Мінска Раман Мельнік. — Мяркую, пакатацца ў вагоне на коннай цязе спадабаецца як мінчанам, так і гасцям сталіцы. Гэта дадасць каларыту ў стыль Кастрычніцкай вуліцы.
***
Мінская конка дзейнічала з 1892 па 1928 гады (з перапынкам з 1918 па 1921 год у сувязі з войнамі). Да студзеня 1913 года ў абслугоўванні мінскай конкі было 99 коней. У спецыяльнай стайні на вуліцы Базарнай былі конюхі і ветэрынары. У 1921 годзе меліся два вагонныя паркі, адзін з якіх знаходзіўся на вуліцы Базарнай, 170 коней і дзве гаспадаркі для абслугоўвання наяўнай маёмасці — у Людамонце і Міхалове. Мінская конка спыніла існаванне ў 1928 годзе ў сувязі з пускам электрычнага трамвая.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты5
Каментары
Или претендуешь на работу?)