У Беларусі ФСБ затрымала сына «вагнераўца», якога абвінавачваюць у супрацоўніцтве з легіёнам «Свабода Расіі»
Яўген Убіраеў выбраў небяспечны напрамак для візарана з Арменіі — прыляцеў у Беларусь.
У Беларусі супрацоўнікі ФСБ затрымалі 29-гадовага грамадзяніна Расіі Яўгена Убіраева. На радзіме 3D-мадэльера абвінавачваюць у супрацоўніцтве з легіёнам «Свабода Расіі», які ваюе супраць расійскай арміі ва Украіне.
Як распавялі сваякі Яўгена, у пачатку 2022 года Убіраеў перажываў за сяброў, якія жывуць ва Украіне. У яго ўзнікла дэпрэсія і суіцыдальныя думкі. Мужчына звярнуўся да легіёна «Свабода Расіі», які тады яшчэ не быў прызнаны экстрэмісцкім. Убіраеў быццам распавядаў сябрам, што «хацеў дапамагчы напрыканцы людзям і выбраў такі спосаб суіцыду», пiша Sota.
Для легіёна хлопец сфатаграфаваў і зняў на відэа некалькі ваенных аб’ектаў і стаянак. Потым меркаваны куратар прапанаваў Убіраеву змясціць пад чыйсьці аўтамабіль нейкую прыладу, намякаючы на яе выбухованебяспечны характар. Мужчына катэгарычна адмовіўся, паколькі быў супраць забойства людзей. Пасля гэтага суразмоўца пачаў пагражаць Убіраеву, што здасць яго расійскім спецслужбам. Яўген з жонкай выехалі з Расіі ў Арменію.
Там Убіраеў беспаспяхова спрабаваў атрымаць замежны пашпарт, а праз 180 дзён быў вымушаны здзейсніць візаран. Для гэтага ў снежні 2024 года ён прыляцеў у Беларусь. На зваротным шляху Убіраева ў мінскім аэрапорце затрымалі супрацоўнікі ФСБ. Зараз ён знаходзіцца ў СІЗА-1 Екацярынбурга. Па артыкуле аб удзеле ў тэрарыстычнай арганізацыі мужчыну пагражае да 20 гадоў калоніі.
Бацька Яўгена Убіраева раней ваяваў у Чачні, а зараз ваюе супраць Украіны па кантракце: ён завербаваўся з калоніі ў ПВК «Вагнер». Малады чалавек званіў бацьку з Арменіі і распавядаў, што яны з жонкай афармляюць замежныя пашпарты для падарожжаў. Як распавядаюць сваякі, вайсковец груба адказаў сыну і паабяцаў вярнуць яго ў Расію «пад канвоем».
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары