У расійскай вобласці назвалі колькасць тых, хто загінуў на вайне ва Украіне. Яна нашмат большая, чым было вядома па падліку «Медыязоны»
Мяркуючы па лічбах з Астрахані, Расія страціла ўжо каля 150 тысяч вайскоўцаў забітымі.
4 лютага губернатар Астраханскай вобласці Ігар Бабушкін правёў нараду па падрыхтоўцы і правядзенні мерапрыемстваў у гонар «Дня абаронцы айчыны».
На гэтай нарадзе мэр Астрахані Ігар Рэдзькін паведаміў, што мемарыял «Загінулым у лакальных канфліктах», які месціцца побач з галоўным корпусам Астраханскага дзяржаўнага ўніверсітэта і быў у студзені пастаўлены на рэканструкцыю, будзе адкрыты 23 лютага, а на помніку з'явяцца сем пліт з імёнамі 1112 астраханцаў, якія загінулі на вайне з Украінай.
Пры гэтым выданне «Медыязона» сумесна з «Бі-бі-сі» раней паведамляла пра тое, што сярод дакладна пацверджаных загінулых на вайне ва Украіне 93 641 расійскіх вайскоўцаў 728 былі з Астраханскай вобласці. Гэта на 384 чалавекі менш за даныя, названыя ўладамі.
Звесткі з Астраханскай вобласці даюць падставы меркаваць, што агульныя страты забітымі па ўсёй Расіі дасягнулі 150 тысяч чалавек — лічба, якая прыкладна супадае з нядаўнімі ацэнкамі брытанскай і амерыканскай разведак.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары
Два дні таму ўсюды лілі кракадзілавыя слёзы па "афганцах". Дык у адной толькі расіі, атрымліваецца, за тры гады вайны з Украінай ужо загінула ў 10 разоў больш, чым ва ўсім СССР за 10 гадоў вайны ў тым Афганістане. Але расійцам пофіг: "Муж погиб на СВО, я получила компенсацию. Вышла повторно замуж. Заплатят ли мне еще одну компенсацию, если и второй муж погибнет на СВО?"