Нерухомасць22

Рэканструкцыю часткі Ракаўскага прадмесця завершаць ужо сёлета

Набліжаецца да фінішу рэканструкцыя былой тэрыторыі хлебазавода № 1 на вуліцы Ракаўскай у Мінску. Вось што там ужо адкрыта і што плануецца яшчэ.

Фота: архіў агенцтва «Мінск-Навіны»

Пра рэканструкцыю агенцтву «Мінск-Навіны» паведамілі на прадпрыемстве «Мінская спадчына».

Як вядома, яшчэ ў 2015-м было вырашана вынесці хлебазавод з Ракаўскага прадмесця і перабудаваць тэрыторыю: захаваць гістарычныя пабудовы і ўдыхнуць у іх новае жыццё. Была распрацавана канцэпцыя, якая прадугледжвала рэканструкцыю з рэстаўрацыяй пяці аб'ектаў завода, якія знаходзяцца ў камунальнай уласнасці, а таксама будаўніцтва дзесяці розных па плошчы трохпавярховых будынкаў, стылізаваных пад гістарычную забудову прадмесця. Узвядзенне апошніх фінансуюць інвестары, якія пасля становяцца ўласнікамі памяшканняў.

Падрыхтоўчыя работы стартавалі ў 2017-м.

«Сёння з 15 будынкаў забудовы ўжо ўведзена ў эксплуатацыю дзевяць, на пяці вядуцца работы. Па адным з аб'ектаў (будынак № 17 па генплане) у чэрвені пройдзе аўкцыён па пошуку новага інвестара для будаўніцтва аб'екта», — распавёў дырэктар «Мінскай спадчыны» Аляксандр Кохан.

Ён удакладніў, што пасля абнаўлення або будаўніцтва цалкам функцыянуюць тры аб'екты, якія здаваліся першымі яшчэ ў 2020 годзе. У вышынным вытворчым корпусе, дзе раней было сховішча мукі, адкрыта пякарня. У суседнім будынку працуе адукацыйны цэнтр замежных моў і яшчэ адна пякарня-кафэ. Аптэка, медыцынскі цэнтр і кафэ прапісаліся ў новым будынку, збудаваным інвестарам.

У астатніх будынках ідуць рамонтныя работы альбо падрыхтоўка да адкрыцця. Першыя і другія паверхі зоймуць аб'екты гандлю, грамадскага харчавання, выставачнага, фізкультурна-аздараўленчага, адукацыйнага прызначэння; трэція паверхі — адміністрацыйныя памяшканні, аб'екты для аказання паслуг. Тэрыторыя квартала запраектавана як пешаходная зона, у цэнтральнай частцы знаходзіцца фестывальная плошча з подыумам-сцэнай. У мінулым зімовым сезоне менавіта на ёй праходзіў калядны кірмаш у рэтрастылі.

Усе работы на тэрыторыі былога хлебазавода плануецца завяршыць у 2023 годзе.

Каментары2

  • Арні
    05.06.2023
    Якая рэканструкцыя? Гэта жудасны навабуд, нахабны здзек лукашыстаў з нашай гісторыі, усе гэта мусіць быць знішчана і праведзена сапраўдная рэстаўрацыя як у Варшаве!!!
    • Valadzimir
      05.06.2023
      Арні, "Минская Спадчина" у гэткіх жудасных "рэстаўрацыях-рэкаструкцыях" руку добра набіла.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек15

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек

Усе навіны →
Усе навіны

Журналісты высветлілі імя «Доктара Зло», што катаваў украінскіх палонных у расійскай калоніі6

Лукашэнка расказаў сваё ўяўленне пра ролю прафсаюзаў у краіне6

Польку затрымалі ў Гданьску за абразу беларускі4

Жыхары «Новай Баравой» выступілі супраць цырка-шапіто ў іх раёне. Чым скончылася?6

Прарасійская актывістка Мірсалімава патлумачыла, чаму нельга забараняць чытаць «экстрэмісцкія» выданні7

Злоўленая ў Сеніцы жывёліна аказалася шалёным ваўком. У міліцыі расказалі падрабязнасці6

Як упарадкавалі сквер Амара Хаяма ў Мінску

Жанчына займалася сэксам з будысцкімі манахамі, а пасля шантажавала іх13

Беларускі школьны настаўнік расказаў, колькі зарабляе на ферме ў Нідэрландах1

больш чытаных навін
больш лайканых навін

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек15

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек

Галоўнае
Усе навіны →

Заўвага:

 

 

 

 

Закрыць Паведаміць