Паводле аўтараў прапановы, кухня — гэта частка культуры і сродак прасоўвання нацыянальных каштоўнасцяў, якія ў выпадку заходніх краін не супадаюць з расійскімі.
Партыя «Камуністы Расіі» збіраецца звярнуцца да прэм’ер-міністра Міхаіла Мішусціна з прапановай увесці дадатковы падатак на кафэ і рэстараны, якія прапануюць стравы замежнай кухні. Пра гэта паведаміў старшыня партыі Сяргей Малінковіч, піша «Астра».
Ён лічыць, што падатак павінен тычыцца не ўсіх устаноў, а толькі тых, дзе падаюць ежу з краін, настроеных супраць Расіі.
Ён растлумачыў, што кухня — гэта частка культуры і сродак прасоўвання нацыянальных каштоўнасцяў, якія ў выпадку заходніх краін не супадаюць з расійскімі.
Паводле яго задумы, у першую чаргу варта «дыскрэдытаваць» рэстараны італьянскай, французскай, паўднёвакарэйскай, японскай, іспанскай і нямецкай кухні. Акрамя таго, Малінковіч прапанаваў абмеркаваць магчымасць падаткаабкладання кафэ, дзе падаюць азербайджанскія і турэцкія стравы.
«Нельга чапаць кітайскую кухню — гэта нашы сябры. Акрамя таго, лацінаамерыканскую кухню, в’етнамскую, беларускую, узбекскую, арабскую, рэстараны паўночнакарэйскай кухні. Што датычыцца падатку, думаю, павінна быць уведзена шкала. Францыя, ФРГ, Італія, напрыклад, актыўна выступаюць супраць нас. Японія даўно хоча атрымаць нашы тэрыторыі. Таму для страў гэтых краін павінен быць дадатковы падатак у 12%. Што да астатніх — пакуль можна пачаць з 10%», — падсумаваў палітык.
Ён таксама заявіў, што традыцыйная руская кухня нібыта больш карысная і лепш засвойваецца арганізмам.
У спісе краін, якія Масква лічыць недружалюбнымі, у цяперашні час значацца 49 дзяржаў. Сярод іх, у прыватнасці, — краіны Еўразвяза, за выключэннем Славакіі і Венгрыі, а таксама ЗША, Японія, Вялікабрытанія, Аўстралія, Украіна, Швейцарыя і Чарнагорыя.
«Размаўляў увесь час па-беларуску». Павел Севярынец запісаў свой першы зварот пасля вызвалення18
Каментары