У беларуса, арыштаванага ў Грузіі, прынялі заяву на палітычны прытулак
У Грузіі днямі на тры месяцы арыштавалі беларуса за парушэнне міграцыйнага заканадаўства, але цяпер ягоны статус могуць перагледзець — ён падаў заяву на атрыманне палітычнага прытулку. Як паведаміла выданню «Медыязона» ягоная дзяўчына Аліна (імя зменена), судовае пасяджэнне прызначана на пятніцу, 18 ліпеня.
Паводле слоў дзяўчыны, адвакат растлумачыў ёй, што цяпер мужчына знаходзіцца ў Грузіі легальна і ёсць надзея, што яго вызваляць.
Раней суд пастанавіў узяць беларуса пад варту, бо ён не пакідаў Грузію больш за 365 дзён, як таго патрабуе закон. Пашпарт мужчыны скончыўся яшчэ ў 2020 годзе і ён баяўся звяртацца ў беларускае консульства, каб не быць пераследаваным.
Беларус жыў у Грузіі ўжо дзевяць гадоў. Да 2020 года ён час ад часу вяртаўся ў Беларусь, але пасля пратэстаў яго, паводле слоў дзяўчыны, пачалі шукаць за «рэпосты з экстрэмісцкіх крыніц». У 2022 годзе, кажа яна, да ягонай кватэры ў Беларусі прыходзілі сілавікі, хоць у сувязі з чым — дакладна невядома.
14 ліпеня мужчына спрабаваў падаць заяву на прытулак, але «па тэхнічных прычынах» яе не прынялі, а на выхадзе яго затрымала паліцыя.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары