Беларус Канстанцін Каліноўскі, які ваяваў ва Украіне, атрымаў цяжкія траўмы на будоўлі ў Польшчы. Яму збіраюць грошы
33-гадовы Канстанцін Каліноўскі ўпаў з вышыні трэцяга паверха, калі выконваў малярныя працы на будоўлі ў Варшаве. Мужчына атрымаў шматлікія пераломы і цяпер мае патрэбу ў лячэнні і рэабілітацыі. Сябры абвясцілі збор на ягонае аднаўленне, піша Most.
Канстанцін па палітычных матывах быў вымушаны з’ехаць ва Украіну. А калі там пачалася вайна, уступіў у адно з падраздзяленняў у складзе Узброеных сіл Украіны. Затым ён з’ехаў у Польшчу, дзе папрасіў міжнароднай абароны і ўладкаваўся працаваць на будоўлі.
6 чэрвеня 2025 года ён знаходзіўся на падвеснай сістэме, але раптам сарваўся з тросаў.
На месца здарэння аператыўна прыбылі экстранныя службы, пацярпелага шпіталізавалі з пераломамі пляча, крыжа, асколкавым пераломам левага мышчалка патылічнай косці, траўмай брушной поласці.
Мужчыну чакае працяглая рэабілітацыя, працаваць ён пакуль не зможа. Каб падтрымаць беларуса, сябры абвясцілі збор сродкаў у памеры 58,5 тысячы злотых (13 750 еўра). Яны пойдуць на лячэнне, рэабілітацыю, дапамогу ў складанай жыццёвай сітуацыі.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта10
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары