«Грамадскі дзеяч, грамадзянін Рэспублікі Беларусь, ябацька». Вольга Бондарава пайшла ў атаку на начальніка абласной міліцыі
Гарадзенская прапагандыстка Вольга Бондарава 15 чэрвеня апублікавала ў сваім тэлеграм-канале «афіцыйны зварот» да начальніка абласной міліцыі Дзмітрыя Разянкова. У сваім лісце яна абвінаваціла міліцэйскага чыноўніка ў паклёпе і прапанавала сустрэцца асабіста, каб той не распаўсюджваў пра яе «беспадстаўныя чуткі».
Бондараву абразіла тое, што начальнік абласной міліцыі, на думку прапагандысткі, беспадстаўна абвінаваціў яе «ў арганізацыі дзеянняў, якія груба парушаюць грамадскі парадак і якія скіраваныя на захоп улады сілавым шляхам, а таксама ў працы на замежныя спецслужбы».
Асабліва яе зачапіла тое, што міліцэйскі начальнік недзе назваў яе «другім Ціханоўскім», абвінаваціў у абразе гродзенскіх высокіх чыноўнікаў Юрыя Караева і Уладзіміра Караніка і сказаў, што праз такіх, як яна, «адбыўся дзяржаўны пераварот».
Таксама Бондарава абвінаваціла Разянкова ў грубасці, адзначыўшы, што «адчувае іспанскі сорам за такія паводзіны беларускага афіцэра вышэйшага рангу». Калі ж міліцыя мае да яе прэтэнзіі, то хай, маўляў, выставіць «афіцыйныя абвінавачанні».
У канцы свайго звароту, пералічыўшы заадно ўсе свае заслугі перад рэжымам, прапагандыстка прапанавала Разянкову сустрэцца асабіста, каб «расставіць усе кропкі над «і» і больш не вяртацца да гэтага пытання».
А ў канцы падпісалася: «Вольга Бондарава, грамадскі дзеяч, грамадзянін Рэспублікі Беларусь, ябацька».
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома10
Каментары
Оговорка по Фрейду?