Навука і тэхналогіі

«Камень-бумеранг». Упершыню на нашай планеце быў знойдзены метэарыт зямнога паходжання

«Ён вылецеў з Зямлі і вярнуўся назад праз дзясяткі тысяч гадоў».

Ілюстрацыйная выява: pixabay

Французскія навукоўцы змаглі даказаць зямное паходжанне аднаго з метэарытаў, які быў знойдзены яшчэ ў 2018 годзе. Пра гэта 14 ліпеня напісала выданне Science Alert.

Па інфармацыі даследчыкаў, 646-грамовы касмічны камень пад назвай NWA-13188, знойдзены ў Марока, дзясяткі тысяч гадоў таму быў выкінуты з Зямлі і большую частку часу дрэйфаваў у космасе, пакуль «нешта» не вярнула яго назад.

У метэарыце былі выяўлены пароды і мінералы, якія звычайна сустракаюцца пры вывяржэнні вулканаў каля месцаў судакранання зямных акіянічных пліт.

«Гэта першы вядомы нам метэарыт, які здзейсніў такое дзіўнае падарожжа туды і назад працягласцю ў дзясяткі тысяч гадоў. Хімічны аналіз аб'екта паказаў наяўнасць мноства зямных вулканічных мінералаў і парод, таму мы мяркуем, што ён быў запушчаны ў космас з прычыны магутнага вывяржэння з-за сутыкнення з вялікім астэроідам. Але мы дакладна не ведаем, як ён зноў апынуўся дома», — паведаміў Джэром Гатачэка, геафізік з Нацыянальнага цэнтра навуковых даследаванняў Францыі.

Аднак далёка не ўся навуковая супольнасць пагадзілася з высновамі французскіх даследчыкаў. На думку некаторых, падобныя «незвычайныя» гіпотэзы патрабуюць такіх жа «незвычайных» доказаў, таму некаторыя навукоўцы засталіся не перакананыя.

Нагадаем, што раней мы пісалі пра дзіўную ўспышку ў небе, якую яшчэ ў красавіку маглі назіраць многія беларусы. Тады Міжнародная метэорная арганізацыя дала канчатковае тлумачэнне гэтай з'яве.

Каментары

Цяпер чытаюць

19‑гадовы берасцеец Андрэй ліквідаваны пад Курдзюмаўкай

19‑гадовы берасцеец Андрэй ліквідаваны пад Курдзюмаўкай

Усе навіны →
Усе навіны

У Гаазе прызналі М'янму вінаватай у генацыдзе народа рахінджа1

«Блішчыць як Swarovski». Беларускі палююць на танныя бранзалеты з царкоўных крам3

Беларусь пераплочвае за транзіт калію праз Расію сотні мільёнаў даляраў23

Ілан Маск: Трэба спачуваць не толькі ўкраінцам, але і расіянам34

Банкі змякчаюць патрабаванні да геалакацыі для працы мабільных праграм1

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі7

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

больш чытаных навін
больш лайканых навін

19‑гадовы берасцеец Андрэй ліквідаваны пад Курдзюмаўкай

19‑гадовы берасцеец Андрэй ліквідаваны пад Курдзюмаўкай

Галоўнае
Усе навіны →

Заўвага:

 

 

 

 

Закрыць Паведаміць