Расійскія вайсковыя паблікі паведамляюць аб звальненні яшчэ аднаго генерала
Паводле афіцыйна не пацверджанай інфармацыі, Уладзімір Селівёрстаў быў адхілены ад пасады камандзіра 106-й паветрана-дэсантнай дывізіі, якая цяпер ваюе пад Бахмутам.
Прычынай адхілення, таксама як і ў выпадку нядаўняй гучнай адстаўкі камандуючага 58-й агульнавайсковай арміяй Паўднёвай ваеннай акругі генерал-маёра Івана Папова, называецца канфлікт з вышэйшым армейскім кіраўніцтвам. То-бок з начальнікам генштаба Герасімавым і міністрам абароны Шайгу, як піша «Политика страны».
Характэрна, што расійскія паблікі ілюструюць паведамленні аб адхіленні Селівёрстава яго сумесным фота з губернатарам Тульскай вобласці Аляксеем Дзюміным. Само па сабе гэта фота не дзіўнае, бо штаб 106-й дывізіі знаходзіцца ў Туле, а само падраздзяленне часта называюць «Тульскай паветрана-дэсантнай дывізіяй».
Аднак у кантэксце падзей, якія адбываюцца ў РФ, яно досыць паказальнае.
Бо Дзюміна яшчэ да бунту называлі куратарам ПВК «Вагнер» і Прыгожына. Па распаўсюджанай версіі, мэтай наездаў Прыгожына на Шайгу і Герасімава была іх адстаўка і замена на Дзюміна і Суравікіна адпаведна. Нават пасля правалу бунту «прыгожынская» сетка тэлеграм-каналаў працягвала пісаць, пра тое, што Дзюміна нібыта прызначаць на пасаду міністра абароны, а Суравікіна — на пасаду начальніка генштаба.
Аднак пакуль падзеі разгортваюцца роўна ў адваротным кірунку. Суравікін знік з сувязі, а военачальнікаў, блізкіх да яго і да Дзюміна (аднаго з самых набліжаных да Пуціна людзей), адхіляюць з пасад.
Між тым у сеціве з’явіўся зварот падначаленых у абарону камандуючага ПДВ генерала Міхаіла Цяплінскага, якога нібыта таксама хочуць адправіць у адстаўку. Гэтую інфармацыю таксама афіцыйна не пацвердзілі.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары