Кіберпартызаны распавялі, колькі чалавек звярнуліся ў камісію па вяртанні
Як сцвярджаюць кіберпартызаны, за 5 месяцаў працы лукашэнкаўскай «камісіі па вяртанні» ў РБ свае дакументы даслалі 16 чалавек.
Шасцёра з тых, хто звярнуўся — «мацёрыя крымінальнікі, якія праходзілі па артыкулах, не звязаных з палітыкай», сцвярджаюць кіберпартызаны з тэлеграм-канала.
З 16 заявак ухвалілі толькі дзве — ад маці Рамана Пратасевіча і Філіпа Давыдава, якога паказалі прапагандысты на БТ.
Большая частка заявак, паводле кіберпартызанаў, «не адпавядае патрабаванням», бо напісаная людзьмі, якія не ўдзельнічалі ў пратэстах, не падалі дастаткова звестак або не напісалі, што раскайваюцца.
«Нам нават не давялося ўзломваць базу «камісіі», каб атрымаць гэтыя звесткі. Рэжым як звычайна не сочыць за ўцечкамі, бо яму напляваць на грамадзян і іх асабістую інфармацыю», — дадалі кіберпартызаны.
У маі генеральны пракурор Андрэй Швед заяўляў, што ў камісію па вяртанні паступіла больш за 70 зваротаў.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект14
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары