Уначы адбылася ракетна-дронавая атака на Адэсу: у цэнтры горада разбураны адміністрацыйны будынак, пацярпелі чатыры чалавекі, піша гарадскі партал Dumskaya.net.
У цэнтры горада разбураны адміністрацыйны будынак, заявіла спікер Сіл абароны поўдня Украіны Наталля Гумянюк.
«Наступствы ўдакладняюцца. Выбухной хваляй пашкоджана вельмі шмат дамоў вакол», — сказала Гумянюк.
У абладміністрацыі дадалі, што ў цэнтры горада падняўся пажар на плошчы 300 кв. м.
«На месцы працуюць спецыялісты адпаведных службаў. Вядома пра двух шпіталізаваных», — гаворыцца ў афіцыйным паведамленні.
Дасталася і рэгіёну. Акупанты трапілі ў склады. Там пра пацярпелых інфармацыі няма.
Вораг зноў здзейсніў масіраваную змешаную ракетна-дронавую атаку, адзначыла Гумянюк.
«Гэтыя звесткі яшчэ ўдакладняюцца, але вядома, што былі ўжытыя ракеты рознага базавання. Прыцягвалася да атакі і падводная лодка, якая несла дзяжурства ў Чорным моры, і стратэгічная авіяцыя, з выпускам ракет Х-22, і берагавыя ракетныя комплексы «Онікс» і «Іскандэр», — сказала яна.
Удары расейцаў па Адэсе працягваюцца трэцюю ноч запар.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла2
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4040
Каментары