Расейцы ўначы 20 ліпеня нанеслі ўдар па цэнтры Мікалаева, у выніку чаго загарэліся 3-павярховы жылы дом і гаражы, вядома пра 9 параненых, сярод іх — 5 дзяцей. Ёсць загінулыя, цяпер іх колькасць невядомая.
«Наступствы начнога абстрэлу Мікалаева. У бальніцы шпіталізаваныя 9 чалавек. Шмат каму аказалі дапамогу на месцы. Двух жыхароў — мужчыну і жанчыну — выратавалі з-пад завалаў. Зараз на месца выехалі камунальнікі. Пачынаем прыбіраць тэрыторыю», — паведаміў у сваім тэлеграме мэр горада Аляксандр Сянкевіч. Колькасці загінулых ён не ўдакладніў.
Кіраўнік абласной адміністрацыі Віталій Кім напісаў, што цяпер вядома пра 9 параненых: 4 дарослых і 5 дзяцей.
«На адным з адрасоў велізарная варонка каля 3-павярховага жылога дома. Пажар вельмі сур'ёзны. На месцы ўжо працуюць ратавальнікі ДСНС. Вакол шмат пашкоджаных дамоў. На іншым адрасе гараць некалькі гаражоў. Ратавальнікі тушаць», — дадаў Сянкевіч.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе2
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5050
Каментары