За тры гады гэта чацвёртая падобная справа ў вобласці.
Крымінальная справа на 75-гадовую бабулю за наўмыснае заражэнне ВІЧ-інфекцыяй трох мужчын была распачатая ў верасні. Да слова, бабуля даўно ўжо знаходзілася ў полі зроку органаў, яна ўжо прыцягвалася да адміністрацыйнай адказнасці за хуліганства і злоўжыванне алкаголем.
Увогуле, за амаль тры гады гэта ўжо чацвёртая падобная крымінальная справа ў Гродзенскай вобласці. Праўда, адну з справаў спынілі па прычыне смерці 28-гадовага абвінавачанага.
Толькі за 10 месяцаў гэтага года зарэгістравана 50 новых выпадкаў ВІЧ-інфекцыі (у мінулым годзе за той жа перыяд ўсяго 33 выпадкі). Усяго, па стане на 1 лістапада зарэгістравана 418 выпадкаў ВІЧ-інфекцыі.
У жніўні 2009 года ВІЧ ўпершыню быў выяўлены ў Дзятлаўскім раёне. Цяпер у 17 з 18-ці раёнаў вобласці ёсць інфікаваныя. Па колькасці зарэгістраваных выпадкаў ВІЧ-інфекцыі «лідзіруюць» Ліда (223), Гродна (62) і Слонім (39).
У вобласці за ўвесь уліковы перыяд ад СНІДу памерлі 33 чалавекі.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1212
Каментары