Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
Горш, чым у Беларусі, толькі ў Францыі, запэўнівае вядомы рэйтынгавы сайт Numbeo.
Numbeo — велізарная база даных пра характарыстыкі жыцця ў розных краінах свету. Збольшага яны расказваюць пра кошт жыцця ў той ці іншай краіне, але таксама адзначаюць розніцу ў цэнах на жыллё і фактарах, якія ўплываюць на якасць жыцця.
Адзін з іх — індэкс злачыннасці. Numbeo абнаўляе рэйтынгі два разы на год, і цяпер ужо даступныя даныя за 2025 год.
І гэтыя вынікі могуць здзівіць: у свежым рэйтынгу Беларусь знаходзіцца на другім месцы ў Еўропе па ўзроўні злачыннасці. Паводле падлікаў, сітуацыя горшая толькі ў Францыі.
Ніжэй за нас у рэйтынгу апынуліся і развітыя краіны накшталт Брытаніі ці Бельгіі, і больш маладыя краіны — напрыклад, Косава трапіла ў гэтым рэйтынгу на 15-е месца з 43 пазіцый.
Другое месца па злачыннасці — гэта ўражвае. Тым больш Беларусь — як і многія аўтарытарныя краіны, — якраз славіцца бяспекай (калі гэта не датычыцца палітычнага пераследу). Турысты адзначаюць, што па вуліцах беларускіх гарадоў можна гуляць хоць уначы, не баючыся нападу ніякіх хуліганаў ці крымінальнікаў.
За рэйтынгам стаіць вядомая крыніца. Але пра што насамрэч кажуць такія даныя?
Аўтары рэйтынга звяртаюць увагу, што ў яго аснове вынікі апытанак, на якія адказваюць наведвальнікі сайта, то-бок тут не ідзе гаворкі пра афіцыйныя лічбы колькасці злачынстваў. Такім чынам, другое месца Беларусі ў рэйтынгу кажа пра тое, наколькі бяспечна сябе адчуваюць беларусы, а не пра аб'ектыўны ўзровень злачыннасці.
«Наша Нiва» — бастыён беларушчыны
ПАДТРЫМАЦЬЦяпер чытаюць
Каб не плаціць падатак на сабак, мінчукі пачалі здаваць іх у пункты адлову31
Каментары
Если, эту, полулегальную (узаконенное беззаконие) зону приплюсовать к базам данных и включить в анализ, то Беларусь займёт - ПЕРВОЕ МЕСТО среди стран Африки, а не только Европы !