Грамадства33

Двое сутак на аўто, 7—12 гадзін на аўтобусе. Што адбываецца з выездам з Беларусі ў Польшчу?

Па стане на 12:00 24 красавіка на выезд з Беларусі ў Польшчу зарэгістравана 1450 легкавых аўтамабіляў. Час праходжання мяжы на машыне цяпер складае больш за двое сутак, піша Most.

Тэлеграм-канал граніца by.pl

Калі раней адносна хутка можна было праехаць мяжу на аўтобусе, то цяпер і яны стаяць у чарзе.

У памежных чатах карыстальнікі паведамляюць, што праходжанне мяжы на машыне можа заняць да 55—58 гадзін.

Вікторыя зарэгістравалася ў зоне чакання на беларускім баку 21 красавіка ў 23:32, а выехала з пункта пропуску «Тарэспаль» 24 красавіка ў 06:40 — усяго прыкладна 55 гадзін.

Дзмітрый быў 911-м у чарзе і чакаў амаль 58 гадзін, з якіх 51 гадзіна прыпала на беларускі бок.

Электронная чарга дзейнічае на беларускім баку: пасля рэгістрацыі можна з’ехаць і чакаць выкліку ў зону чакання ў горадзе.

Непасрэдна на мяжы, пасля заезду ў зону пропуску, праходжанне займае менш часу:

«Ад заезду да выезду з Беларусі ў Польшчу — 4 гадзіны. Двое сутак чакання не лічым. У палякаў усё вельмі хутка — 10 хвілін на ўсё», — піша Аляксей.

Аўтобусы

Да дня 23 красавіка аўтобусы прапускалі ў прыярытэтным парадку, але цяпер утвараюцца чэргі.

Па стане на 12:00 — у чарзе 22 аўтобусы. Час праходжання мяжы цяпер складае ад 7 да 12 гадзін.

«Села ў аўтобус у Брэсце ў 9:40, на беларускай мяжы было каля 15 аўтобусаў, а перад польскай — толькі два. У Цярэспалі была ў 16:10 па польскім часе. Усяго 7,5 гадзіны», — кажа Анастасія.

Падобна, што перасадкі ў «перадавыя» аўтобусы застаюцца папулярнай практыкай для паскарэння перасячэння мяжы.

У зваротным кірунку (з Польшчы ў Беларусь) чэргаў практычна няма. Вадзіцелі, якія ехалі ноччу з 23 на 24 красавіка, паведамляюць, што праходзілі мяжу за 3—4 гадзіны.

Каментары3

  • Беластоцкае вока
    24.04.2025
    Тымчасам беларуская чыгунка прапаноўвае аднавіць ПАСАЖЫРСКІЯ чыгуначныя перавозкі. Што адкажуць польскія функцыянеры? Ім даспадобы бачыць беларусаў, адседжваючых па 10 гадзін аўтобусах, і па 50 ў аўтамабілях?
  • Беластоцкае вока
    24.04.2025
    PS і не трэба пра Пачобута. Пачобут, калі б вызваліўся, не хацеў бы стаяць 50 гадзін таксама.
  • Толік
    24.04.2025
    Ну чым яны думаюць? Навошта перціся ў рб на такія святы, калі вядома, што будзе ад на мяжы. Чаму не ўзяць адпустку і прыехаць да ці пасля?🤷

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць