Падзенне верталёта з кіраўніцтвам МУС пад Кіевам: версія дыверсіі не пацвердзілася
Версія дыверсіі ў авіякатастрофе верталёта ў Браварах Кіеўскай вобласці 18 студзеня, падчас якой загінула кіраўніцтва МУС, не пацвердзілася, высновы дасудовага расследавання будуць паведамленыя ў найбліжэйшы час. Пра гэта генеральны пракурор Украіны Андрэй Косцін заявіў у інтэрв'ю агенцтву «Укрінформ».
«Папярэдне магу сказаць, што версіі, звязаныя з дыверсіяй або замахам на жыццё дзяржаўных дзеячаў [адносна авіякатастрофы ў Браварах], не знайшлі свайго пацвярджэння. Аб канчатковых высновах па выніках дасудовага расследавання мы паведамім у найбліжэйшы час», — сказаў ён.
Косцін нагадаў, што ў пачатку расследавання было вылучана некалькі версій: замах на жыццё дзяржаўных дзеячаў, уключаючы дыверсію, збіванне лятальнага апарата, канфліктная сітуацыя на борце паветранага судна, памылка пілота, тэхнічная няспраўнасць верталёта, неналежная арганізацыя планавання палёту, невыкананне правілаў палётаў, складаныя ўмовы надвор'я.
Паводле слоў Андрэя Косціна, расследаванне працягваецца. Да працы прыцягнулі спецыялістаў кампаніі Airbus Helicopters, а таксама спецыялістаў з Міністэрства абароны, Нацпаліцыі і Нацгвардыі.
18 студзеня ў горадзе Бравары Кіеўскай вобласці паблізу дзіцячага сада ўпаў верталёт, успыхнуў пажар. У выніку падзення загінулі 14 чалавек, у тым ліку дзіця. Таксама загінула кіраўніцтва Міністэрства ўнутраных спраў Украіны: кіраўнік МУС Дзяніс Манастырскі, яго першы намеснік Яўген Енін і дзяржаўны сакратар МУС Юрый Лубковіч, памочнікі і ахова міністра.
Сваяк Віктара Лукашэнкі займае высокія пасады ў КДБ. Гэта высветлілася, калі забралі будынак дзіцячай паліклінікі9
Каментары