Пад Кіевам верталёт упаў на дзіцячы садок. Загінула кіраўніцтва Міністэрства ўнутраных спраў
Гэта здарылася ў горадзе Бравары. На гэты момант вядома пра 18 загінулых, сярод іх міністр, ягоны намеснік і трое дзяцей з сада.
Падчас трагедыі ў садзе знаходзіліся дзеці і супрацоўнікі ўстановы. На гэты момант усіх эвакуіравалі. На месцы падзення працуюць хуткія, паліцыя і пажарныя.
У эфіры тэлемарафону прадстаўнік Паветраных сіл УСУ паведаміў, што ў катастрофе ў Браварах загінула кіраўніцтва Міністэрства ўнутраных спраў Украіны.
Верталёт выконваў задачы Дзяржаўнай службы па надзвычайных сітуацыях.
Цяпер вядома пра 18 загінулых у выніку падзення верталёта, з іх трое — дзеці. Дзевяць загінулых былі на борце, паведаміў кіраўнік вобласці Ігар Кліменка. Сярод загінулых — міністр унутраных спраў Дзяніс Манастырскі, першы намеснік міністра Яўген Енін і дзяржаўны сакратар Юрый Лубковіч.
22 чалавекі шпіталізаваныя, дзесяць з іх — дзеці.
Цяпер чытаюць
Што здарылася з Мікітам Мелказёравым, які раптоўна памёр ноччу?31
Каментары