Другі энергаблок БелАЭС выпрацаваў першы мільярд кілават-гадзін электраэнергіі. Але хутка яго адключаць ад сеткі
Аб'ём электраэнергіі, выпрацаванай другім энергаблокам БелАЭС з моманту яго ўключэння ў аб'яднаную энергасістэму краіны, склаў 1 мільярд 63 мільёны кілават-гадзін.
Фота: «Наша Ніва»
Гэта першы значны вытворчы вынік працы энергаблока, дасягнуты ў рамках доследна-прамысловай эксплуатацыі, паведамляе Мінэнерга.
Ведамства паведамляе, што праводзяцца выпрабаванні тэхналагічных сістэм і абсталявання. У найбліжэйшы час яны будуць праводзіцца на розных рэжымах працы блока, уключаючы яго разгрузку з адключэннем ад сеткі для наступнай ацэнкі характарыстык абсталявання.
З уводам другога энергаблока ў прамысловую эксплуатацыю атамная станцыя будзе генераваць каля 18,5 млрд кВт·г электраэнергіі за год, што дазволіць замяшчаць каля 4,5 млрд куб. м прыроднага газу.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары
Завеў. Паехаў. Тэмпература рухавіка пачала хутка расці. Дайшла да чырвонай меткі - неадкладна спыніўся і чакаешь, пакуль само астыне. Але вельмі важна не празяваць момант адключэння, бо закіпіць, а потым застукае альбо загарыцца.
Выснова: трэба яшчэ больш блокаў на БелАЭС - веернае ўключэнне блокаў забяспечыць няспынную працу ўсёй станцыі.