Польшча спыніла адну з нітак нафтаправода «Дружба» з-за выцякання нафты
У суботу ўвечары польскі аператар трубаправода «Дружба» PERN выявіў уцечку нафты на заходнім участку, па якім сыравіна паступае ў Германію. Адну з нітак адключылі, другая працягвае функцыянаваць без зменаў. Як сцвярджае кампанія, сітуацыя не ўяўляе пагрозы для здароўя і жыцця мясцовых жыхароў.
На месцы здарэння знаходзяцца пажарная ахова і аварыйна-выратавальная службы PERN, якія забяспечваюць бяспеку тэрыторыі. Пасля завяршэння аперацыі па аднаўленні пашкоджанай ніткі плануецца правесці рэкультывацыю тэрыторыі, каб вярнуць яе ў першапачатковы стан. Спецыялісты кампаніі расследуюць прычыны ўцечкі нафты.
Аператар запэўніў, што астатнія элементы інфраструктуры PERN, уключаючы той участак, які адказвае за транспарціроўку сырой нафты з Самарскай вобласці ў Польшчу і Германію, працягваюць працаваць у штатным рэжыме.
Трубаправод «Дружба», пабудаваны ў 1960-х гадах, мае стратэгічнае значэнне для транспарціроўкі нафты з Расіі ў краіны Усходняй Еўропы. Яго паўночная галінка ідзе праз Беларусь і забяспечвае пастаўкі Германіі і Польшчы, а паўднёвая — праз Украіну дастаўляе сыравіну ў Венгрыю, Славакію і Чэхію.
«Дружбу» не закранула эмбарга Еўрасаюза на пастаўкі расійскай нафты, якое ўступіла ў сілу 5 снежня 2022 года. Пры гэтым Германія і Польшча неаднаразова заяўлялі пра жаданне ўвогуле адмовіцца ад паставак расійскай нафты. Варшава асобна заклікала ўвесці санкцыі ў дачыненні да «Дружбы».
Той самы масажыст расказаў, навошта здымаў голых кліентак2
Каментары
Не выйдет