Пастанова пра суд над жанчынай з’явілася на Нацыянальным прававым партале, заўважыў канал «Витебск, я гуляю!»
Паводле пастановы, суддзя суда Глыбоцкага раёна Аляксандр Аляксеенка 25 ліпеня разглядзеў справу па двух артыкулах (ч. 2 арт. 19.11 і ч. 1 арт. 24.23 КаАП РБ) у дачыненні да жанчыны, мамы малалетняга дзіцяці.
Канал ідэнтыфікуе затрыманую жанчыну як Надзею Маліноўскую, адміністратарку сацсетак выдання. Штотыднёвік «Вольнае Глыбокае» выходзіў каля 26 гадоў — да 2021 года.
У пастанове жанчыне ставяць у віну рэпост матэрыялаў «Белсата» ў інстаграме акаўнта выдання, а таксама размяшчэнне «Пагоні», БЧБ-сцяга і надпісу «Жыве Беларусь» у акаўнце газеты ва «УКантакце».
Абодва акаўнты абвешчаныя ўладамі экстрэмісцкімі 26 чэрвеня 2023 года і былі выдаленыя.
За гэтыя эпізоды маладой жанчыне далі штраф 4440 рублёў, канфіскавалі тэлефон «Samsung A41».
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі5
Каментары
Государство рэкетир, отбирает деньги и имущество в пользу одной семьи с фамлией лукашенко.
Семейка вошла во вкус...