Міністр замежных спраў Украіны Дзмітрый Кулеба пракаментаваў сумневы заходніх аналітыкаў адносна ўкраінскага контрнаступлення і параіў ім быць «асцярожнымі ў сваіх прагнозах і доўгатэрміновых прадказаннях», піша «УП» са спасылкаю на BILD.
«Мы спакойна ставімся да такіх заяў. На думку неназваных чыноўнікаў, генералаў і аналітыкаў, Украіна павінна была б спыніць сваё існаванне на працягу трох-дзесяці дзён у лютым 2022 года. Цяпер яны мяркуюць, што Украіна не зможа так хутка вярнуць усю сваю тэрыторыю. Гэта сведчыць аб тым, што нават у тых, хто сумняваецца, з часам з'яўляецца больш надзеі», — цытуе выданне Кулебу.
«Я хачу сказаць, што аналітыкі павінны быць больш асцярожнымі ў сваіх прагнозах і доўгатэрміновых прадказаннях.
А вось што нам трэба, дык гэта больш доўгатэрміновых магчымасцяў для дасягнення больш кароткатэрміновых вынікаў. Ніколі не недаацэньвайце Украіну. Будзьце ўпэўненыя ў сабе. Майце цярпенне. Перамога — гэта цяжкая праца», — дадаў ён.
У заходняй прэсе ўсё часцей з'яўляюцца скептычныя каментары наконт украінскага контрнаступу. The Washington Post са спасылкай на крыніцы ў амерыканскай разведцы прагназуе, што Украіна не зможа дасягнуць да халадоў ключавой мэты контрнаступлення, а менавіта дайсці да горада Мелітопаля ў Запарожскай вобласці, нават вызваліць Такмак будзе складана, улічваючы тры лініі абароны расіян.
Украінскія пілоты пачнуць навучанне на знішчальніках F-16 у Даніі ў канцы жніўня
Зяленскі паабяцаў саюзнікам паскорыць контрнаступленне
Расіяне замініравалі тэрыторыі глыбінёй да 15 км. Якія цяжкасці размініравання пераадольваюць украінцы падчас контрнаступу
За першыя два тыдні наступлення Украіна страціла да 20% пастаўленай на фронт вайсковай тэхнікі — The New York Times
Чаму ўкраінскае контрнаступленне ідзе павольней, чым чакалася
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам7
Каментары