МНС у Астраўцы правядзе падрыхтоўку да вучэнняў па ліквідацыі ядзернай аварыі. Людзей просяць не хвалявацца
23 жніўня ў Астравецкім раёне будуць праходзіць мерапрыемствы, звязаныя з падрыхтоўкай да вучэнняў па забеспячэнні ядзернай і радыяцыйнай бяспекі насельніцтва. Яны пройдуць у рамках спецыяльнага вучэння выратавальных падраздзяленняў краін АДКБ «Скала — 2023», паведамляе МНС.
Праграма прадугледжвае перамяшчэнне спецыяльнай тэхнікі МНС і МУС, экіпіраванага асабовага складу і ўключэнне сістэмы абвестак.
«Просім з разуменнем паставіцца да правядзення гэтых мерапрыемстваў», — піша МНС.
З 1 да 6 верасня на тэрыторыі Беларусі ўпершыню пройдзе спецыяльнае вучэнне выратавальных падраздзяленняў краін Арганізацыі Дамовы аб калектыўнай бяспецы (АДКБ) «Скала — 2023». Чакаецца ўдзел каманд з Беларусі, Казахстана, Кыргызстана, Расіі і Таджыкістана.
4 верасня вучэнне разгорнецца на тэрыторыі Беларускай АЭС і Астравецкага раёна. Выратавальнікі будуць адпрацоўваць ліквідацыю наступстваў аварыі на станцыі. 5 верасня актыўная фаза пройдзе ў філіяле «Інстытут перападрыхтоўкі і павышэння кваліфікацыі» Універсітэта грамадзянскай абароны МНС у Барысаўскім раёне.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў3
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары