У Чэрыкаўскім раёне атрымаў смяротную траўму работнік аднаго з сельскагаспадарчых прадпрыемстваў, паведаміў Следчы камітэт.
Паводле папярэдняй інфармацыі, днём 18 жніўня 59-гадовы мужчына знаходзіўся на назіральнай пляцоўцы камбайна і вырашыў праверыць напоўненасць бункера са збожжам.
У гэты момант тэхніка праязджала пад лініяй электраперадачы. Мужчына зачапіўся целам за правады і атрымаў паражэнне электрычным токам. Пасля ён упаў на кабіну, а затым у жняярку камбайна.
Ад атрыманых траўмаў 59-гадовы мужчына загінуў на месцы здарэння.
Каментары