У Мюнхене другі раз адбудзецца Фестываль сучаснай беларускай культуры Minsk x Minga
Фэст адбудзецца ў Мюнхене з 8 да 10 верасня і закліканы служыць умацаванню сувязяў паміж Баварыяй і свабоднай Беларуссю.
Мэта фестывалю — прадставіць Беларусь і сучасную незалежную беларускую культуру, прыцягнуць увагу нямецкай публікі да драматычных падзеяў у сучаснай Беларусі і да супраціву беларускага грамадства палітычнаму тэрору і дыктатуры. Фэст прадстаўляе пляцоўку для выбітных беларускіх творцаў, якія былі вымушаныя пакінуць радзіму.
Таксама важная мэта фестывалю — салідарнасць з Украінай.
Сёлета фэст адбудзецца ўжо другі раз.
У праграме:
— канцэрты легенды беларускага року Volski і этна-электроннага дуэту Šuma,
— літаратурная імпрэза «Ці ведаеце Вы зямлю пад белымі крыламі? Беларусь — litTERatuRA Incognita»,
— музычны монаспектакль «СармаТЫ/Я», які спалучае хіп-хоп і беларускія народныя спевы,
— батлейка, беларускі лялечны тэатр у выкананні знакамітага актора і тэлевядоўцы Аляксандра Ждановіча (Маляваныча),
— спеўны, музычны і танцавальны варкшопы, прысвечаныя беларускаму народнаму мастацтву. Наведнікі змогуць папрактыкавацца ў беларускіх народных спевах, паспрабаваць граць на беларускай дудзе і навучыцца беларускім і нямецкім народным танцам.
Падрабязней — у сацсетках фестывалю: Instagram: Facebook:
Арганізатар фэсту — Беларуская супольнасьць RAZAM e.V., найбуйнейшае аб'яднанне беларускай дыяспары ў Нямеччыне.
Партнёрамі фестывалю выступаюць Баварская дзяржаўная канцылярыя, фундацыя Heintze Stiftung, Фундацыя імя Фрыдрыха Наўмана (Friedrich-Naumann-Stiftung für Demokratie), Фундацыя імя Томаса Дэлера (Thomas-Dehler-Stiftung), а таксама Рада Беларускай Народнай Рэспублікі.
-
Выйшаў дапоўнены раман Алеся Пашкевіча пра Дубоўку
-
«Трэба крычаць, што мы ёсць, мы былі і працягваем існаваць». Тэатральны крытык Настасся Панкратава — пра сваю кнігу і беларускі тэатр да і пасля 2020 года
-
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС23
Каментары