Наваполацкую прадпрымальніцу адправілі на 20 сутак за ўкраінскі сцяжок і рэпост
Суддзя суда Наваполацка Сняжана Калінічэнка 10 жніўня пастанавіла арыштаваць на 20 сутак мясцовую прадпрымальніцу і ўладальніцу студыі касцюміраванай выявы MAGIC WOOD Алену Зуброву. На думку суддзі, яна правяла ў сацыяльных сетках не дазволены ўладамі пікет і віртуальна распаўсюдзіла «экстрэмісцкія» матэрыялы.
Як піша «Віцебская вясна», у судзе былі агучаныя доказы таго, што Зуброва нібыта на сваёй персанальнай старонцы ў Facebook мела спасылку на канал «Радыё Свабода». Там жа прысутнічала выява паходні аранжавага колеру, якая ўключаная ў рэспубліканскі спіс экстрэмісцкіх матэрыялаў.
Таксама па версіі суда Алена правяла без дазволу Наваполацкага гарвыканкама пікет у Facebook, які заключаўся ў тым, што яна змясціла ў сацсетцы сваю фатаграфію на фоне сіня-жоўтага сцяга Украіны.
Жанчына ў судовым пасяджэнні віны не прызнала.
Алега Рудакова з жонкай арыштавалі на 30 сутак
Былога начальніка наваполацкай міліцыі судзілі за непадпарадкаванне яго колішнім калегам. Але пакараць яго цяжка, бо ён дэпутат
Супрацоўніцу «Нафтана» арыштавалі на 15 сутак за падпіску на «экстрэмісцкія» каналы
Арцёму Лябедзьку далі тры з паловай гады калоніі
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары