Армія ЗША адабрала 2000 салдат для патэнцыйнага разгортвання ў Ізраілі на фоне канфлікту з ХАМАС — The Wall Street Journal
Амерыканская армія адабрала каля 2000 салдат для разгортвання ў Ізраілі. Аб гэтым выданню паведамілі прадстаўнікі Пентагона. Таксама яны раскрылі, ці будзе амерыканская армія напрамую ваяваць за Ізраіль.
Як паведамілі выданню The Wall Street Journal прадстаўнікі Пентагона, першапачатковая функцыя вайскоўцаў не будзе прадугледжваць прамыя баі за Ізраіль.
«Каля 2000 салдат было адабрана з усіх узброеных сіл ЗША, але пяхоты ў іх складзе не будзе. Падтрымка Ізраілю ў выпадку разгортвання будзе аказана ў першую чаргу кансультатыўная і медыцынская. Баявых дзеянняў праводзіцца не будзе», — паведамілі The Wall Street Journal у Пентагоне.
Выданне мяркуе, што падобнае рашэнне Пентагона сведчыць аб тым, што ЗША хоча падтрымаць верагодную наземную аперацыю Ізраіля ў сектары Газа.
Усяго з моманту жорсткага нападу баевікоў ХАМАС на Ізраіль было забіта больш за 1400 ізраільцян, сярод якіх былі 30 грамадзян ЗША (13 усё яшчэ лічацца зніклымі без вестак).
Для эвакуацыі амерыканскіх грамадзян з Ізраіля ўлады ЗША адправілі спецыяльны карабель, які забраў іх з порта Хайфы і адправіўся на Кіпр.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу8
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары