Кіеўскі ўніверсітэт імя Шаўчэнкі закрыў праграму па вывучэнні беларускай мовы
Рэктар КНУ таксама пацвердзіў, што ва ўніверсітэце Шаўчэнкі забаранілі расійскія крыніцы.
Кіеўскі нацыянальны ўніверсітэт (КНУ) імя Тараса Шаўчэнкі закрыў праграмы па вывучэнні беларускай, рускай моваў і фарсі, паведаміў рэктар КНУ Уладзімір Бугроў.
«Сапраўды, у нас у Інстытуце філалогіі вывучалася руская мова і літаратура, беларуская мова і літаратура, фарсі (персідская). Мы гэтыя праграмы закрылі», — сказаў ён у інтэрв'ю агенцтву «Украінскія навіны»
Бугроў лічыць, што ў школе вывучаць рускую мову і літаратуру не трэба. «Хіба што нейкія творы, магчыма, у курсе сусветнай літаратуры, каб можна было яе ідэнтыфікаваць. Але як на медыцынскім аддзяленні або на біялагічным факультэце Універсітэта вывучаюць вірусы, гэтак жа ва ўніверсітэце павінна вывучацца руская літаратура — пад наглядам выкладчыка-даследчыка <…>. І павінен быць яе крытычны аналіз», — дадаў ён.
Рэктар КНУ таксама пацвердзіў, што ва ўніверсітэце Шаўчэнкі забаранілі расійскія крыніцы. Уладзімір Бугроў адзначыў, што гістарычныя крыніцы на рускай мове выкарыстоўваюцца, «як і на турэцкай або іншай» мове.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары