«Ён стане адным з адкрыццяў 2024 года». У Іспаніі музыку з беларускімі каранямі прадказваюць сусветную славу
Іспанскаму музыку Руслану Медзьявілья, маці якога паходзіць з Беларусі, журналісты найстарэйшай і найбуйнейшай у краіне радыёстанцыі Cadena SER прадракаюць вялікі поспех у найбліжэйшы час, звярнуў увагу сайт «Беларусь і свет».
На сайце гэтага выдання з'явіўся артыкул пра артыстаў, якія праявілі сябе ў апошні час. Ён называецца «Rusowsky — іспанскі артыст з беларускімі каранямі, пра якога хутка будзе гаварыць увесь свет».
Rusowsky — менавіта такі творчы псеўданім узяў для сябе Медзявілья, які стварае трэкі ў жанры bedroom pop, што можна перакласці як «поп-музыка са спальні».
Як сказана ў артыкуле, Руслан нарадзіўся ў 1999 годзе ў Вальядалідзе, але хутка пераехаў з бацькамі ў Фуэнлабраду. Яго мама, выкладчык музыкі, з самых ранніх гадоў брала сына на свае ўрокі.
«Яго музыка магла б быць тыповай для аўтара-выканаўцы, калі б не той пласт аб'ёмнага гучання, якім валодаюць яго песні. Вакодар і гук ад электрапопу да трэпу робяць усё астатняе», — так апісаны стыль Rusowsky.
Адзначаецца, што Руслан супрацоўнічаў з такімі выканаўцамі, як C Tangana і Dellafuente, і, хоць яшчэ не выпусціў першы дыск, выступіў гэтым летам на FIB — Міжнародным фестывалі ў Бенікасіме.
«Кінемся ў вір з галавой і выкажам здагадку, што ён стане адным з адкрыццяў 2024 года», — падсумавалі аповед пра Медзьявілья журналісты радыёстанцыі.
Чытайце таксама:
Саладуха пра затрыманне Грыбалёвай: А яе за што? Дай Бог, каб усё было добра
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося26
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі99
Каментары