Былы міністр культуры Руслан Чарнецкі знайшоў сабе падпрацоўку
Новай высокай пасады яму пакуль не далі.
Пасля таго, як Руслану Чарнецкаму ўказалі на дзверы ў Міністэрстве культуры, ён працягваў выступаць на сцэне тэатра імя Максіма Горкага (ён рэгулярна граў у спектаклях і будучы міністрам).
Дарэчы, Насстася Чарнецкая, жонка Руслана, у сацсетках радавалася такім глабальным зменам у жыцці мужа. Маўляў, яны нарэшце пачалі праводзіць больш часу разам. Рэч у тым, што Настасся — грымёр і перыядычна робіць мужу грым.
Цяпер жа Чарнецкага паклікалі быць вядучым новага трэвэл-шоу «Нам по пути» на АНТ. У ім былы міністр будзе паказваць вандроўкі па Беларусі.
У інстаграме апублікавалі фота са здымкаў шоу, якія праходзілі 15 ліпеня ў гродзенскім цэнтры рамёстваў «Спадчына». Там экс-чыноўніку паказвалі, як робяцца ручнікі — а той «задаваў пытанні, якія цікавяць кожнага турыста, які шукае сапраўдныя ўражанні».
Нагадаем: Руслан Чарнецкі пратрымаўся ў міністэрскім крэсле крыху больш за год. Звольнілі яго з пасады ў той час, пакуль ён сустракаўся з паслом Танзаніі.
Падчас сваёй працы ў міністэрстве Чарнецкі паспеў нажыць ворагаў нават сярод тых артыстаў, якія гадамі спявалі оды Лукашэнку. Публічна супраць яго выступілі сёстры Груздзевы. Адбылося гэта пасля таго, як міністр культуры выгнаў іх са сваёй прыёмнай «як сабак».
Зуб на Чарнецкага мела і Алёна Ланская.
Як Чарнецкі наогул стаў міністрам? Як расказвалі «Нашай Ніве», ён працаваў вядучым на розных дзяржаўных мерапрыемствах і «карпаратывах» у Лукашэнкі, запомніўся яму і таму атрымаў пасаду. Але не пацягнуў.
Цікава, што і новы мастацкі кіраўнік Купалаўскага тэатра — 40‑гадовы Дзмітрый Акімаў, які раней быў мастацкім кіраўніком расійскіх правінцыйных тэатраў, — трапіў у гэта крэсла па пратэкцыі Чарнецкага. Расказваюць, што Чарнецкі або сам быў знаёмы з Акімавым па здымках кіно ў Расіі, або іншы яго калега па расійскім кіно параіў Акімава ў кіраўніцтва беларускага тэатра.
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»
Міністра культуры Чарнецкага завезлі ў івацэвіцкую калонію і паказалі спектакль
«Будзе здымаць маштабныя праекты з сабой у галоўнай ролі». Што думаюць пра новага міністра культуры Чарнецкага яго калегі?
Новы міністр культуры выпусціў кліп — плюецца ў выдуманых ворагаў
У гарах Кыргызстана з дрона адшукалі целы зніклых беларускіх альпіністаў8
Каментары