Прыёмныя камісіі ў апошні дзень прыёму працуюць з 9:00 да 18:00.
Сёння ў большасці вышэйшых навучальных устаноў краіны завяршаецца ўступная кампанія на агульных падставах для паступлення на бюджэтныя месцы, а таксама на платную форму навучання па спецыяльнасцях, дзе неабходна прайсці ўнутраныя ўступныя выпрабаванні. Гэта творчыя спецыяльнасці, а таксама спецыяльнасці ў галіне фізічнай культуры і спорту, піша БелТА.
Прыёмныя камісіі ў апошні дзень прыёму працуюць з 9:00 да 18:00.
Важна памятаць, што асаблівасцю апошняга дня з'яўляецца тое, што ўсе абітурыенты, якія да 18:00 выкажуць жаданне падаць дакументы і ўвойдуць у будынак універсітэта, змогуць гэта зрабіць.
Галоўнае — паспець зайсці ў корпус да 18:00.
Сельскагаспадарчыя ўстановы вышэйшай адукацыі і сілавыя ВНУ прымаюць дакументы да 19 ліпеня.
З 18 па 25 ліпеня ў ВНУ пройдуць унутраныя ўступныя выпрабаванні. Залічэнне на бюджэтную форму навучання завершыцца 27 ліпеня.
Прыём дакументаў на платную форму навучання працягнецца да 1 жніўня, а залічэнне студэнтаў-платнікаў завершыцца 3 жніўня.
Усяго 46 ВНУ краіны гатовы прыняць каля 49,1 тысячы абітурыентаў. З іх прыкладна 33,1 тысячы — на бюджэтную форму навучання, яшчэ каля 16 тысяч — на платную.
«Кайлас, я іду». Што за беларуска знікла ў жудасным селі ў Непале9
Каментары