У лесе пад Лагойскам мясцовыя жыхары знайшлі незвычайнае месца, якое выклікала шмат пытанняў і здагадак. Відэа знаходкі апублікавала падпісчыца акаўнта «Логойск.Новости» ў Threads, заўважыла выданне Blizko.by.
Незвычайная пляцоўка знаходзіцца каля прыватнага сектара Лагойска, на вуліцы Асенняй, непадалёк ад уваходу ў лес. На зямлі размешчаныя тры калоды, камень і рэшткі вогнішча. Побач пакінутыя кубак у сярэднявечным стылі, компас і яшчэ некалькі прадметаў, прызначэнне якіх невядомае.
Знаходка выклікала абмеркаванне сярод карыстальнікаў інтэрнэту. Некаторыя выказалі меркаванне, што гэта магло быць месца для правядзення нейкіх рытуалаў або абрадаў. Іншыя палічылі, што пляцоўка магла належаць удзельнікам ролевых гульняў — прадстаўнікам субкультуры, якая арганізуе сустрэчы на прыродзе, апранаецца ў касцюмы персанажаў фэнтэзі і праводзіць пастановачныя баі.
Славяне ці хрысціянізаваныя балты? Генетыка дазволіла вырашыць спрэчку пра тое, хто пахаваны на старажытным некропалі ў Вільні
Валачобніцтва і пакланенне каменным крыжам: якія велікодныя традыцыі захоўваюць беларусы
На ўнікальны задыякальны коўш прэтэндавалі і літоўцы, і расіяне. А ён аказаўся з беларускага Слаўгарада
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай8
Каментары