Вярхоўны суд разгледзеў у апеляцыйным парадку крымінальную справу ў дачыненні да сына Віктара Бабарыкі — Эдуарда.
Вырак Мінскага абласнога суда ад 5 ліпеня 2023 года па ўчыненні злачынстваў, прадугледжаных ч. 2 арт. 243, ч. 6 арт. 16 і ч. 1 арт. 342, ч. 6 арт. 16 і ч. 3 арт. 130 КК., у частцы прызначэння пакарання пакінуты без змены, а апеляцыйная скарга без задавальнення. Прысуд уступіў у законную сілу, паведамляе Вярхоўны суд у сваім тэлеграм-канале.
Эдуард Бабарыка ў маі 2020 года ўзначаліў перадвыбарчы штаб бацькі, які заявіў пра ўдзел у прэзідэнцкай кампаніі.
18 чэрвеня 2020 года яны былі арыштаваныя, калі везлі сабраныя подпісы ў ЦВК.
6 ліпеня 2021 года Віктара Бабарыку асудзілі на 14 гадоў калоніі ўзмоцненага рэжыму.
Эдуард Бабарыка тры гады быў у СІЗА. Затым яму былі выстаўленыя абвінавачванні:
- арт. 342 Крымінальнага кодэкса — арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх;
- арт. 243 Крымінальнага кодэкса — ухіленне ад выплаты сум падаткаў, збораў;
- арт. 130 Крымінальнага кодэкса — Распальванне варожасці ці варажнечы.
Эдуарду далі восем гадоў калоніі ва ўмовах узмоцненага рэжыму. Таксама яму не ўлічылі ў агульны тэрмін паўтара года ўтрымання пад вартай.
Цяпер чытаюць
Памятаеце Таццяну Зарэцкую, якая са скандалам звальнялася з Кабінета Ціханоўскай? У Эстоніі яе падазраюць у махлярстве36
Каментары