Як выглядаюць тунэлі ХАМАСа — глыбіня да 50 метраў, можна ездзіць на аўто ФОТЫ
Гісторыя тунэляў пад сектарам Газа пачынаецца з 1980-х гадоў. Спачатку яны выкарыстоўваліся для кантрабанды. Пазней тунэлі сталі служыць ХАМАСу і іншым групоўкам баевікоў месцамі вытворчасці і захавання зброі, перамяшчэння пад зямлёй, навучання баевікоў, здзяйснення нападаў, перамяшчэння закладнікаў і адыходу незаўважанымі.
![Сектар Газа Сектор Газа Gaza Strip](http://nashaniva.com/img/w732d4webp1/photos/z_2023_12/-hrnz0.jpg.webp)
Гэтую сетку тунэляў у прастамоўі называюць «метро Газы». Мяркуецца, што яна складаецца з прыкладна 1300 тунэляў, а іх агульная даўжыня складае, па розных ацэнках, ад 400 да 500 кіламетраў.
![Тунэль ХАМАС Туннель ХАМАС Tunnel Hamas](http://nashaniva.com/img/w732d4webp1/photos/z_2023_12/-y50z3.jpg.webp)
Па словах прадстаўнікоў ЦАХАЛ, тунэлі знаходзяцца пад школамі і спартовымі цэнтрамі, мячэцямі і бальніцамі на тэрыторыі ўсяго сектара Газа. Так, у лістападзе 2022 года Агенцтва ААН для дапамогі палесцінскім бежанцам і арганізацыі работ (UNRWA) паведаміла, што знайшла тунэль пад пачатковай школай.
![Тунэль ХАМАС Туннель ХАМАС Tunnel Hamas](http://nashaniva.com/img/w732d4webp1/photos/z_2023_12/-5bcce.jpg.webp)
24 кастрычніка 2023 года ХАМАС вызваліў 85-гадовую закладніцу, якая расказала, што іх вялі дзве-тры гадзіны па сырых тунэлях, пакуль яны не патрапілі ў вялікую залю. Па словах жанчыны, баевікі падрыхтавалі чыстыя памяшканні з матрацамі на зямлі, а закладнікаў у падзямеллях рэгулярна наведвалі медыкі.
![Тунэль ХАМАС Туннель ХАМАС Tunnel Hamas](http://nashaniva.com/img/w732d4webp1/photos/z_2023_12/-glcjx.jpg.webp)
Некалькі дзён таму ізраільскія ваенныя абвясцілі пра выяўленне аднаго такога тунэля на поўначы сектара Газа. Ён мае некалькі адгалінаванняў і развязак. Самае буйное з выяўленых мае даўжыню каля чатырох кіламетраў і на некаторых участках ідзе пад зямлю на глыбіню да 50 метраў. Тунэль дастаткова шырокі, каб унутры маглі праехаць транспартныя сродкі.
![Тунэль ХАМАС Туннель ХАМАС Tunnel Hamas](http://nashaniva.com/img/w732d4webp1/photos/z_2023_12/ap23351541772759-yr3i9.jpg.webp)
Як сцвярджаецца, з тунэля можна было патрапіць у офісы і апартаменты палітычнага і вайсковага кіраўніцтва ХАМАС. Апроч звычайных сходаў, для пранікнення ў падземную сістэму выкарыстоўваліся ліфты.
![Тунэль ХАМАС Туннель ХАМАС Tunnel Hamas](http://nashaniva.com/img/w732d4webp1/photos/z_2023_12/ap23351540657218-8k1vz.jpg.webp)
Тунэль мае таксама лініі водаправода, электрычнасці і сувязі. «Такім чынам, тэрарысты ХАМАС мелі магчымасць як збегчы, так і заставацца ў сваіх схованках на працягу дастаткова доўгага перыяду», — цытуе інтэрнет-выданне Spiegel паведамленне ЦАХАЛ.
Чытайце яшчэ:
ХАМАС адхіліў прапанову Ізраіля аб перамір'і ў абмен на вызваленне закладнікаў
WSJ сцвярджае, што Ізраіль плануе затапіць тунэлі ХАМАС марской вадой. Ці рэальна гэта?
«Калі б Захад затрымліваў лукашэнкаўскіх агентаў, мог бы быць абменны фонд». Вячорка — пра палітвязняў, кадравую цякучку ў Кабінеце, сітуацыю на мяжы і візы
![](http://nashaniva.com/img/w450h300crop1webp1/photos/z_2024_08/photo_2024-08-01_21-01-31-zt8ir.jpg.webp)
Каментары
НН абслугоўвае ваенную прапаганду чужой краіны, якая падтрымлівае і вызнае Лукашэнка, і было якой ўсё роўна было нават на збіццё свайго грамадзяніна 9 жніўня.