Свет

Пад антарктычнымі льдамі знайшлі сляды гор, якія дапамаглі эвалюцыі

Пад антарктычным ледзяным покрывам навукоўцы знайшлі сляды старажытных горных хрыбтоў, якія па сваіх памерах маглі быць параўнальныя з Гімалаямі. Паводле даследчыкаў з Германіі і Аўстраліі, гэтыя так званыя супергоры ўтварыліся 450—650 мільёнаў гадоў таму, калі падчас фармавання суперкантынента Гандваны Антарктыда сутыкнулася з Індыяй і Афрыкай, піша Euronews.

Здымак ілюстрацыйны. Фота: vecteezy.com

Паколькі амаль уся Антарктыда пакрытая лёдам, самі горы выявіць немагчыма. Таму навукоўцы даследавалі іх сляды — асадкавыя пароды, якія ў выніку выветрывання і разбурэння горных масіваў трапілі ў акіян. Узоры гэтых парод былі здабытыя са свідравін уздоўж антарктычнага ўзбярэжжа.

Даследчыкі мяркуюць, што разбурэнне старажытных гор адыграла важную ролю ў развіцці жыцця на Зямлі. Працэсы выветрывання вымывалі ў акіян вялікую колькасць пажыўных і мінеральных рэчываў, спрыялі зніжэнню канцэнтрацыі вуглякіслага газу ў атмасферы і павелічэнню ў ёй долі кіслароду.

Каля паўмільярда гадоў таму гэта магло стварыць спрыяльныя ўмовы для так званага кембрыйскага выбуху — рэзкага павелічэння разнастайнасці жывых арганізмаў. Адной з яго асаблівасцяў стала з’яўленне вялікай колькасці відаў з цвёрдым мінеральным шкілетам, падобным да таго, які маюць, напрыклад, каралы і губкі.

Навукоўцы мяркуюць, што менавіта мінеральныя рэчывы, вынесеныя ў акіян у выніку разбурэння антарктычных супергор, маглі дапамагчы старажытным арганізмам сфармаваць такія шкілеты. Наяўнасць цвёрдых частак цела таксама спрыяла таму, што пасля кембрыйскага выбуху ў геалагічных пластах захавалася значна больш выкапнёвых парэшткаў.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»41

Стала вядома, як будзе выглядаць выпраўленая скульптура беларускай жанчыны ў Быхаве19

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай93

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць