Дзвюх жанчын з Ліды аштрафавалі за атрыманне дапамогі ад INeedHelpBY. Дзяржава забірае сабе і суму дапамогі
26 студзеня суд Лідскага раёна аштрафаваў двух лідчанак за дапамогу, атрыманую імі ад ініцыятывы INeedHelpBY. Жанчын судзілі паводле артыкула аб парушэнні заканадаўства аб замежнай дапамозе (Частка 2 артыкула 24.15 КаАП). Адпаведныя пастановы з'явіліся ў банку судовых рашэнняў, заўважыла «Медыязона».
У першым выпадку жанчыну абвінавацілі ў тым, што яна атрымала замежную дапамогу «ў выглядзе таварна-матэрыяльных каштоўнасцяў» на агульную суму 5 241 рубель у інтэрнэт-краме «Еўраопт». Яе аштрафавалі на 25 базавых велічынь (1000 рублёў) і пастанавілі дадаткова спагнаць ва ўласнасць дзяржавы ўсю суму аказанай дапамогі.
У другім выпадку беларуску таксама аштрафавалі на 25 базавых велічынь. Яна атрымала дапамогу «ў выглядзе таварна-матэрыяльных каштоўнасцяў» на агульную суму 18 143 рублі. Яе суд таксама пастанавіў спагнаць на карысць дзяржавы.
23-24 студзеня ў Беларусі прайшла аблава сілавікоў на сваякоў палітвязняў. Рэпрэсіі закранулі як мінімум 229 чалавек. З іх 24 чалавекі праходзяць абвінавачанымі па крымінальных артыкулах аб садзейнічанні экстрэмісцкай дзейнасці (артыкул 361-4 КК), фінансаванні экстрэмісцкай дзейнасці (артыкул 361-2 КК) і стварэнні экстрэмісцкага фарміравання (артыкул 361-1 КК).
Як мінімум 44 чалавекі асудзілі паводле адміністрацыйных артыкулаў.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары