Грамадства66

Бесараб — пра цынгу Латыпава: Мне тут бачыцца рука нейкіх медыкаў-катаў

Стала вядома, што палітвязень Сцяпан Латыпаў пакутуе на цынгу — вельмі рэдкую хваробу, звязаную з недахопам вітаміну С у арганізме. Навуковы журналіст Сяргей Бесараб разважае, як у Латыпава магла з’явіцца такая хвароба.

Сцяпан Латыпаў, фота spring96.org

Бесараб нагадвае, што на сёння цынга сустракаецца вельмі рэдка, яна хутчэй засталася ў падручніках гісторыі. Вітамін С (аскарбінавая кіслата, ці харчовы дадатак Е300) прысутнічае ў шматлікіх прадуктах, таму захварэць на цынгу дужа складана. 

Часцей за ўсё яе прычына — авітаміноз, хаця могуць быць і выключэнні: «Ёсць генетычныя захворванні, якія выклікаюць падобныя да цынгі сімптомы. Пагаршаецца стан злучальных тканак у арганізме, бо для іх патрэбны калаген, а для сінтэзу калагену — вітамін С. Церпяць усе органы, дзе ёсць злучальная тканка розных відаў — косткі, сасуды, зубы, скура і гэтак далей. Пачынаюцца невялікія кровазліцці, праблемы з косткамі і зубамі». Хвароба хутка прагрэсуе, і калі гаворка ідзе пра цяжкую форму цынгі, магчымы і лятальны сыход.

На думку Бесараба, у выпадку з Латыпавым можна казаць пра стоадсоткава мэтанакіраванае пазбаўленне чалавека вітаміну С. Ёсць і хваробы, праз якія арганізм сам перастае засвойваць гэты вітамін, але Сяргей мяркуе, што яны занадта рэдкія, каб тлумачыць імі цяперашні стан Латыпава:

«Можна мэтанакіравана апрацоўваць ежу нечым, што знішчала б вітамін С (такую характарыстыку мае фермент аскарбатаксідаза — «НН») ці звязвала б яго і выключала з метабалізму. Канечне, ёсць невялікая верагоднасць, што можа здарыцца нейкая камбінацыя абставін, праз якую ў арганізме не будзе засвойвацца вітамін С, але такое нават складана ўявіць. Па прынцыпе брытвы Акама найбольш просты варыянт будзе самым дакладным.

Свядома ці не, але чалавека пазбаўляюць вітаміну С. Чытаў, што ў доктара Менгеле ў Асвенцыме быў цэлы кірунак працы, па якім так фармавалі дыету людзей, каб пазбаўляць іх нейкага вітаміну ці мікраэлементу — напрыклад, вітамінаў групы В ці вітаміну А. Тое, што адбываецца са Сцяпанам, для мяне — відавочная адсылка да той гісторыі, і мне тут бачыцца рука нейкіх медыкаў-катаў альбо кансультантаў, у гісторыі гэта ўжо было».

«Наша Нiва» — бастыён беларушчыны

ПАДТРЫМАЦЬ

Чытайце таксама:

Палітвязень Сцяпан Латыпаў захварэў на цынгу

Сцяпана Латыпава на два гады пераводзяць на турэмны рэжым

Якое пасланне Навальны пакідаў на выпадак сваёй смерці

Каментары6

  • Н
    17.02.2024
    лыкашысцкія каты гарыце ў пекле
  • Информация к размышлению
    17.02.2024
    Палачи тоже идут после работы домой, где почему-то никто их не подкарауливает с сюрпризом. Значит, народец доволен.
  • 4п5
    17.02.2024
    Улад, очень боюсь, что ровно наоборот
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стала вядома, што за амерыканец нядаўна быў вызвалены з беларускай турмы2

Стала вядома, што за амерыканец нядаўна быў вызвалены з беларускай турмы

Усе навіны →
Усе навіны

Палітзняволены журналіст Карней схуднеў за кратамі на 15 кг і мае праблемы з сэрцам

Пракуратура паказала інтэр'еры калоніі, у якой трымаюць Алеся Бяляцкага2

Перамовы паміж Расіяй і ЗША ў Эр-Рыядзе пачаліся7

Пакаянне за палку каўбасы. Як за дапамогу сем’ям палітвязняў асудзілі 39 чалавек2

Стала вядома новае месца працы касмічнай турысткі Марыны Васілеўскай9

Лівійскага фельдмаршала Хафтара ў Мінск прывезлі на самалёце Лукашэнкі1

Чаму Трамп прапанаваў правесці перамовы з Пуціным у Саудаўскай Аравіі

«Мы павінны прызнаць, што ўступаем у новую эру». Што абмяркоўвалі лідары ЕС на экстранным саміце ў Парыжы

Жарты бразільца пра Беларусь разышліся па сацсетках. Ябацькі ўжо называюць яго бэчэбэшнікам5

больш чытаных навін
больш лайканых навін

Стала вядома, што за амерыканец нядаўна быў вызвалены з беларускай турмы2

Стала вядома, што за амерыканец нядаўна быў вызвалены з беларускай турмы

Галоўнае
Усе навіны →

Заўвага:

 

 

 

 

Закрыць Паведаміць