Свет

Ва Украіну праз тэрыторыю Беларусі вярнулі 11 дзяцей

20 лютага ва Украіну з Расіі і часова акупаваных тэрыторый удалося вярнуць 11 украінскіх дзяцей. Пра гэта паведаміў амбудсмен Украіны Дзмітрый Лубінец.

Фота: Офіс амбудсмена Украіны

Паводле слоў Лубінца, вярнуць удалося шасцярых дзяўчынак, сярод якіх дзве родныя двухгадовыя сястрычкі-двайняткі, і пяцярых хлопчыкаў. Самаму маленькаму вернутаму дзіцяці — 2 гады, самаму старэйшаму — 16 гадоў.

«Двух дзетак сустракалі з карэтай хуткай дапамогі, паколькі адно дзіцятка зусім не можа перасоўвацца», — адзначыў Лубінец.

Амбудсмен дадаў, што вяртанне адбылося пры пасярэдніцтве Дзяржавы Катар і пры падтрымцы ЮНІСЕФ, а таксама пры садзейнічанні ў працы Дзяржаўнай памежнай службы.

«На жаль, лёс дзяцей трагічны — яны вымушаныя былі перажыць акупацыю родных гарадоў, бамбаванні і раненні, смерць родных. Некаторых РФ прымусова пашпартызавала і нават знайшла ім «апекуноў», — дадаў Лубінец.

Украінскія дзеці вярнуліся на радзіму з Расіі праз Беларусь, мяркуючы па паведамленні напярэдадні дзіцячай амбудсменкі Расіі Марыі Львовай-Бяловай, у якім яна дзякавала за садзейнічанне Памежнаму камітэту Беларусі.

Раней прэзідэнт Уладзімір Зяленскі заявіў, што Украіна ведае пайменна амаль 20 тысяч украінскіх дзяцей, якіх выкрала Расія.

17 сакавіка 2023 года Міжнародны крымінальны суд у Гаазе выдаў міжнародныя ордары на арышт прэзідэнта Расіі Уладзіміра Пуціна і ўпаўнаважанай па правах дзіцяці Марыі Львовай-Бяловай. Адзначана, што яны, як мяркуецца, нясуць адказнасць за ваеннае злачынства — незаконную дэпартацыю дзяцей і іх незаконнае перамяшчэнне з акупаваных тэрыторый Украіны на тэрыторыю Расійскай Федэрацыі.

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць46

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі7

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць46

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць