Жыхар Кіраўска збіраўся «паставіць схаваную камеру на выбарчым участку»
Яго затрымалі.
Тэлеграм-канал праўладнага агенцтва «Бабруйск медыя» апублікаваў відэа з затрыманым жыхаром Кіраўска, якога абвінавачваюць у сувязі з ініцыятывай «Кааліцыя пратэсных двароў».
У сюжэце інфармацыйнага агенцтва кажуць, што затрыманага завуць Юрый Аверкаў. Ён з'яўляецца адміністратарам «дэструктыўнага тэлеграм-канала» Кіраўска. У роліку закадравы голас паведамляе, што мужчына ў канале заклікаў людзей выходзіць на вуліцы і «парушаць грамадскі парадак». Таксама Аверкаў нібыта прайшоў рэгістрацыю ў чат-боце плана «Перамога».
На камеру мужчына кажа, што пісаў у бот «Перамогі» каб спытаць: ці можна давяраць плану «Перамога».
У сюжэце закадравы голас дадае, што ў снежні мужчына «зноў зазнаў уплыў дэструктыўных каналаў», у якіх заклікалі ісці на выбарчыя ўчасткі, запомніць аднаго з чальцоў камісіі і прасачыць за ім падчас вяртання дадому. Таксама, па словах вядучай, беларусаў заклікалі ставіць на ўчастках схаваныя камеры, каб зафіксаваць парушэнні падліку галасоў.
Чым канкрэтна займаўся мужчына, невядома. У роліку выкарыстоўваюць скрыншоты паведамленняў ад ініцыятывы «Кааліцыі пратэсных двароў». 20 лютага аб'яднанне заявіла, што сілавікі пачалі «кампанію дыскрэдытацыі і дэзінфармацыі», і прыклалі скрыншот з назвамі фэйкавых каналаў, піша «Медыязона».
У лістападзе КДБ прызнаў «Кааліцыю пратэсных двароў» «экстрэмісцкім фармаваннем». Яго ўдзельнікамі ведамства назвала Дзяніса Баранава і Віталя Іванова.
Кубракоў даводзіў, што міліцыянт Згірскі не датычны да банды налётчыкаў. Цяпер таго судзяць — пагражае да 20 гадоў3
Каментары