Міністэрства сельскай гаспадаркі і харчавання Беларусі і Міністэрства сельскай гаспадаркі Грузіі падпішуць пагадненне аб эканамічным і навукова‑тэхнічным супрацоўніцтве ў галіне аграпрамысловага комплексу.
Адпаведнае рашэнне змяшчаецца ў пастанове Савета Міністраў Беларусі нумар 1725.
Як расказалі ў галоўным упраўленні знешнеэканамічнай дзейнасці Мінсельгасхарча Беларусі, падпісанне пагаднення запланавана на канец студзеня — пачатак лютага бягучага года ў час візіту дэлегацыі Мінсельгасхарча Беларусі на чале з міністрам сельскай гаспадаркі і харчавання Сямёнам Шапірам у Грузію. Плануецца, што ў склад беларускай дэлегацыі ўвойдуць кіраўнікі буйных сельскагаспадарчых прадпрыемстваў рэспублікі.
У ходзе перагавораў бакі вызначаць асноўныя напрамкі супрацоўніцтва ў аграпрамысловым комплексе, разгледзяць перспектывы развіцця гандлю прадукцыяй АПК паміж дзвюма краінамі, асобная ўвага будзе ўдзелена пытанню паставак беларускай сельгастэхнікі ў Грузію. «На абмеркаванне будзе вынесены таксама праект па стварэнню сумеснай беларуска‑грузінскай прадуктовай кампаніі», — дадалі ў Мінсельгасхарчы. Акрамя гэтага, спецыялісты дзвюх краін маюць намер абмеркаваць найбольш перспектыўныя сферы партнёрства ў галіне селекцыі і племянной работы ў жывёлагадоўлі.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары