У цэнтры Мінска легкавік наехаў на святлафор. У машыны вырвала пярэднія колы
Да аварыі прывяло кепскае самаадчуванне кіроўцы.
У нядзелю днём 48-гадовы мужчына за стырном аўтамабіля KIA здзейсніў наезд на дарожны знак і святлафор на вуліцы Няміга ў Мінску.
Кіроўца і яго пасажыры не пацярпелі, легкавік атрымаў сур'ёзныя механічныя пашкоджанні. На фота бачна, што ў машыны вырваныя колы.
Як паведамілі ў ДАІ, прычынай аварыі стала рэзкае пагаршэнне здароўя кіроўцы. Інспектары нагадваюць, што кіраваць транспартным сродкам у хваравітым або стомленым стане забаронена. У выпадку, калі кіроўца адчуў пагаршэнне самаадчування, неабходна спыніцца ў бяспечным месцы і адпачыць. Пры неабходнасці трэба выклікаць хуткую медыцынскую дапамогу.
Каментары