Халіп расказала, чаму жыве ў Чарнагорыі, а Саннікаў — у Польшчы
У новым выпуску ток-шоу «Жыццё-маліна» журналістка Ірына Халіп расказала, чаму яна са сваім мужам Андрэем Саннікавым жывуць у розных краінах.
Ірына Халіп расказала, што два апошнія гады яны пражылі разам з Саннікавым у Варшаве.
«Але цяпер чарговая часовая сепарацыя, бо я на два гады з'ехала ў Чарнагорыю ў Будву на бераг мора разам з [сынам] Данікам. Гэта звязана з асаблівасцямі яго вучобы.
Ён абраў для сябе праграму The International Baccalaureate — міжнародную праграму для двух старэйшых класаў школы, якая вельмі прасунутая, сучасная, і дае вельмі шмат падлетку, які з гэтай праграмай, з гэтым дыпломам выходзіць з крытычным мысленнем, са здольнасцямі аналізаваць і сінтэзаваць, такім сучасным разумным чалавекам. Усе заходнія ўніверсітэты з вялікай асалодай прымаюць на вучобу тых, у каго дыплом міжнароднага бакалаўрыяту. Мы знайшлі цудоўны каледж у Будве і вырашылі, што я правяду разам з Данікам гэтыя два гады там».
Халіп адзначае, што яны з мужам мараць аб жыцці ў Мінску.
«Ён успрымае здымную кватэру ў Варшаве не як дом, а гасцініцу. Доўгатэрміновая замежная камандзіроўка».
Па словах Халіп, Саннікаў сам бы з асалодай паехаў разам з ёй і сынам, але «работа, фонд «Еўрапейская Беларусь» і гэтак далей, нейкія абавязкі яму не даюць такой магчымасці».
Але Саннікаў, як сцвярджае Халіп, часта прыязджае да сямʼі. «Дзякуй богу, з Варшавы да Падгорыцы LOT лятае танна. 50 долараў у адзін бок. Гэта вельмі нядорага», — гаворыць яна.
Чытайце яшчэ:
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя10
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары