У час брыфінгу спікера Крамля Дзмітрыя Пяскова папрасілі пракаментаваць траўмы, з якімі падазраваных у тэракце даставілі ў суд.
Пяскоў адмовіўся каментаваць катаванні.
«Я пакідаю гэтае пытанне без адказу», — сказаў ён.
Таксама прэс-сакратар Пуціна заявіў, што ў Крамлі не ўдзельнічаюць у дыскусіі аб вяртанні смяротнага пакарання ў Расіі.
Затое былы прэзідэнт Расіі Дзмітрый Мядзведзеў выказаўся больш адкрыта.
«Мяне пытаюць усе. Што рабіць? Іх злавілі. Малайцы ўсе, хто лавіў.
Іх трэба забіць? Трэба. І гэта будзе. Але значна важней забіць усіх датычных. Усіх. Хто плаціў, хто спачуваў, хто дапамагаў. Забіць іх усіх», — заявіў намеснік старшыні Рады бяспекі РФ Дзмітрый Мядзведзеў.
ФСБ паведаміла пра затрыманне падазраваных у Бранскай вобласці ў суботу, 23 сакавіка: сцвярджаецца, што яны накіроўваліся на машыне ў бок расійска-ўкраінскай мяжы.
Пасля гэтага ў Z-каналах зʼявіліся фота і відэа, на якіх затрыманых катавалі ў час допыту.
Аднаму з іх падвялі электрычны ток да геніталій. Іншаму адрэзалі і засунулі вуха ў рот. Трэцяму выбілі вока. На суд яго прывезлі ў крэсле-каталцы. На фота з залы суда відаць, што падсудныя моцна збітыя.
Чытайце таксама:
Што вядома пра ахоўніка-беларуса Вадзіма Куліка, які знік без вестак ў «Крокусе»
«Ён у штучнай коме». Бацька беларускага ахоўніка з «Крокуса» пра стан сына
У «Крокусе» распавялі, як беларусы-ахоўнікі гераічна ратавалі людзей
Адзін з затрыманых за тэракт быў у «Крокусе» яшчэ 7 сакавіка
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары