Здароўе44

Беларусы змогуць зрабіць бясплатнае ЭКА ў Польшчы. Як і куды звяртацца

Як беларускім парам атрымаць фінансаванне ЭКА ў Польшчы. 

Фота: Thanasis Zovoilis / Getty Images

У Польшчы на ЭКА сёлета выдзеляць 500 млн злотых (гэта каля 125 млн даляраў), чакаецца, што фінансаванне будзе таксама распаўсюджвацца на замежнікаў, якія пражываюць у краіне.

Правілы яшчэ распрацоўваюцца, але ўжо дакладна вядома, што аплачваць гэтую медыцынскую працэдуру дзяржава пачне з 1 чэрвеня. Каб раней за іншых атрымаць датацыю, усе пары, у якіх па нейкіх прычынах не атрымліваецца завесці дзіця, павінны да гэтай даты звярнуцца да доктара, прайсці курс лячэння і атрымаць абавязковае накіраванне на ЭКА. 

Польшча пайшла на гэты крок праз праблему з нараджальнасцю. Калі ў 2021 годзе там на свет з'явілася 332 тыс. немаўлят, то ў 2022-м — ужо 305 тыс., а за мінулы год нарадзілася ўсяго 272 тыс. дзяцей. З іх больш за 15 тысяч нованароджаных маюць бацькоў-замежнікаў (на першым месцы ўкраінцы, на другім — беларусы), што робіць іх унёсак у натуральны прырост насельніцтва адчувальным. Агульнанацыянальная праграма кампенсацыі выдаткаў на ЭКА — адзін са спосабаў новага ўрада пераламаць непрыемную дэмаграфічную тэндэнцыю. 

Крытэрыі, па якіх будуць адбіраць пары для ўдзелу ў праграме, а таксама памер фінансавання (або дафінансавання) пакуль невядомыя. Некаторае ўяўленне пра тое, як гэта можа выглядаць, даюць праграмы сумеснага фінансавання лячэння метадам ЭКА, якія і цяпер дзейнічаюць у некаторых рэгіёнах Польшчы. Датацыі могуць атрымліваць і беларускія пары.

Што цікава: не абавязкова быць у афіцыйным шлюбе, гэта можа быць грамадзянскае партнёрства. Калі гаворка ідзе пра ўзрост, то верхні парог для жанчыны вагаецца ад 40 да 43 гадоў. Практычна ўсюды прадугледжваецца абавязковае лячэнне на працягу 12 месяцаў перад працэдурай ЭКА, хоць доктар можа скараціць гэты тэрмін, але атрымаць фінансаванне без папярэдняга звароту па дапамогу да спецыялістаў не атрымаецца.

Сума, якую выдзяляюць мясцовыя ўлады, — ад 6 тысяч злотых (прыкладна 1,5 тысячы даляраў) у Варшаве да 5 тысяч у Познані. Гэта значыць цяпер ЭКА фінансуецца толькі часткова.

З працэдурай ЭКА ў Польшчы працуюць у тым ліку вядомыя ўкраінскія і беларускія рэпрадуктолагі.

Падчас працы над новым законам аб фінансаванні ЭКА часта спасылаліся на папярэднюю Дзяржаўную праграму кампенсацыі выдаткаў 2013-2016 гадоў. Мяркуецца, што новая будзе заснаваная на аналагічных прынцыпах.

Тады кожная пара, якая ўдзельнічала ў праграме, магла прайсці тры індывідуальныя цыклы лячэння бясплоддзя з выкарыстаннем экстракарпаральнага апладнення. У рамках праграмы фінансавалася ўся біятэхналагічная частка, а таксама лабараторныя і дадатковыя даследаванні клінічнай часткі. Лекі таксама прадастаўляліся.

Падчас нядаўняй прэс-канферэнцыі міністр аховы здароўя Ізабэла Ляшчына абвясціла, што мэта праграмы ЭКА —забяспечыць доступ да лячэння з выкарыстаннем экстракарпаральнага апладнення для ўсіх пар, незалежна ад іх фінансавага становішча.

Каментары4

  • Угу
    29.03.2024
    Ната , прыяжджайце ў Беларусь. Забудзецеся на такія словы, як кардыёлаг. Такой экзотыкі, як кардыёлаг, у беларускіх паліклініках няма.
  • Польскі лекар.
    29.03.2024
    А o! (ад локця).
  • ром
    30.03.2024
    Угу, не пиз...и
    а то пойдешь да кардиолога))

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць42

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

Сабаленка схадзіла на матч НБА паміж «Лэйкерс» і «Джаз». «Лэйкерс» прайгралі пасля дзевяці перамог запар2

Лявон Вольскі прэзентаваў кліп на песню «Лекар ачуняй» ВІДЭА1

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць42

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць