У Дзяржаўным музеі беларускай літаратуры адкрылі выставу «Васіль Быкаў. Шлях, вызначаны лёсам».
У Дзяржаўным музеі беларускай літаратуры (Мінск, вул. Багдановіча, 13) адкрылі выставу «Васіль Быкаў. Шлях, вызначаны лёсам».
Дырэктар музея Лідзія Макарэвіч упэўнена, што гэта пачатак шырокага раскрыцця асобы пісьменніка. Яна паведаміла, што адным з ініцыятараў стварэння выставы быў міністр культуры Беларусі Павел Латушка. Міністр не змог прысутнічаць на адкрыцці. Але яго намеснік Тадэвуш Стружэцкі сказаў, што «за гэтай выставай будуць наступныя выставы. Напэўна, будзе задача і магчымасць стварэння і асобнага музея».
Кіраўнік клуба «Спадчына» Анатоль Белы адзначыў, што выстава паўстала толькі пасля стварэння на грамадскіх пачатках музеяў Васіля Быкава ў Старых Дарогах і Гродне. Але ён яшчэ ўсцешаны, што ў нашай краіне пакуль магчыма праявіць хоць нейкую ініцыятыву.
Сябра Быкава Генадзь Бураўкін казаў пра фашызм, які сёння «падымае галаву». Але «перамагчы могуць не танкі, а перамагчы можа толькі святло ў чалавечых душах», — сказаў паэт. Ён параіў прысутным «перачытаць творы Быкава, каб зразумець дзеля чаго ён кроў праліваў».
На адкрыцці выставы прысутнічалі і замежныя дыпламаты. Пасол Польшчы Генрык Літвін і пасол Украіны Ігар Ліхавы. Сп. Ліхавы прадэманстраваў свае поспехі ў вывучэнні роднай для Васіля Быкава мовы. Ён прамаўляў па-беларуску.
Выстава знаёміць з творчым шляхам Васіля Быкава, асноўнымі этапамі яго жыцця і літаратурнай дзейнасці. Але акцэнт зроблены на ваенным перыядзе. У экспазіцыі прадстаўлены фотаздымкі, лісты, нататнік пісьменніка.
-
Археолагі сцвярджаюць, што старажытны горад на Менцы ўзнік у канцы X стагоддзя
-
Лукашэнка атрымаў ад Расіі тую ж узнагароду, што і Мураўёў-Вешальнік. Хто яшчэ з беларусаў яе атрымліваў?
-
«Для мяне гэты занятак — не каб пакласці паштоўку ці фотку ў шуфляду». Як і для чаго краязнаўца набывае старыя фатаграфіі з Беларусі
«Тэлефануйце дзецям, прасіце вярнуцца ў Беларусь». Беларусы на мяжы сутыкнуліся з новай праверкай26
Каментары