U Dziaržaŭnym muziei biełaruskaj litaratury adkryli vystavu «Vasil Bykaŭ. Šlach, vyznačany losam».
U Dziaržaŭnym muziei biełaruskaj litaratury (Minsk, vuł. Bahdanoviča, 13) adkryli vystavu «Vasil Bykaŭ. Šlach, vyznačany losam».
Dyrektar muzieja Lidzija Makarevič upeŭniena, što heta pačatak šyrokaha raskryćcia asoby piśmieńnika. Jana paviedamiła, što adnym ź inicyjataraŭ stvareńnia vystavy byŭ ministr kultury Biełarusi Pavieł Łatuška. Ministr nie zmoh prysutničać na adkryćci. Ale jaho namieśnik Tadevuš Stružecki skazaŭ, što «za hetaj vystavaj buduć nastupnyja vystavy. Napeŭna, budzie zadača i mahčymaść stvareńnia i asobnaha muzieja».
Kiraŭnik kłuba «Spadčyna» Anatol Bieły adznačyŭ, što vystava paŭstała tolki paśla stvareńnia na hramadskich pačatkach muziejaŭ Vasila Bykava ŭ Starych Darohach i Hrodnie. Ale jon jašče ŭściešany, što ŭ našaj krainie pakul mahčyma prajavić choć niejkuju inicyjatyvu.
Siabra Bykava Hienadź Buraŭkin kazaŭ pra fašyzm, jaki siońnia «padymaje hałavu». Ale «pieramahčy mohuć nie tanki, a pieramahčy moža tolki śviatło ŭ čałaviečych dušach», — skazaŭ paet. Jon paraiŭ prysutnym «pieračytać tvory Bykava, kab zrazumieć dziela čaho jon kroŭ pralivaŭ».
Na adkryćci vystavy prysutničali i zamiežnyja dypłamaty. Pasoł Polščy Hienryk Litvin i pasoł Ukrainy Ihar Lichavy. Sp. Lichavy prademanstravaŭ svaje pośpiechi ŭ vyvučeńni rodnaj dla Vasila Bykava movy. Jon pramaŭlaŭ pa-biełarusku.
Vystava znajomić z tvorčym šlacham Vasila Bykava, asnoŭnymi etapami jaho žyćcia i litaraturnaj dziejnaści. Ale akcent zrobleny na vajennym pieryjadzie. U ekspazicyi pradstaŭleny fotazdymki, listy, natatnik piśmieńnika.
-
Archieołahi śćviardžajuć, što staražytny horad na Miency ŭźnik u kancy X stahodździa
-
Łukašenka atrymaŭ ad Rasii tuju ž uznaharodu, što i Muraŭjoŭ-Viešalnik. Chto jašče ź biełarusaŭ jaje atrymlivaŭ?
-
«Dla mianie hety zaniatak — nie kab pakłaści paštoŭku ci fotku ŭ šufladu». Jak i dla čaho krajaznaŭca nabyvaje staryja fatahrafii ź Biełarusi
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary