Еўрапейскі суд агульнай юрысдыкцыі ў Люксембургу разгледзеў пазоў авіякампаніі «Белавія» супраць Рады ЕС, у якім кампанія патрабавала зняць з яе санкцыі.
«Белавія» спрабавала апратэставаць санкцыі ЕС, якія былі накладзеныя ў 2021 годзе, пасля таго як у Мінску быў прымусова пасаджаны борт Ryanair з Раманам Пратасевічам на борце. ЕС забараніў палёты «Белавія» ў свае аэрапорты, а таксама забараніў еўрапейскім самалётам лётаць праз Беларусь.
У пастанове суда гаворыцца, што «Белавія» зʼяўляецца дзяржаўнай нацыянальнай авіякампаніяй, якая атрымлівае выгаду ад рэжыму, што Аляксандр Лукашэнка абяцаў ёй усялякую падтрымку пасля ўвядзення санкцый. Для гэтага, напрыклад, ён дамовіўся з прэзідэнтам Расіі Уладзімірам Пуціным аб адкрыцці для кампаніі новых маршрутаў авіякампаніі ў Расію.
Акрамя таго, у рашэнні суда гаворыцца, што кіраўніцтва авіякампаніі забараніла сваім супрацоўнікам пратэставаць супраць парушэнняў на выбарах у Беларусі. Таксама там указана, што кампанія займалася дастаўкай мігрантаў з Блізкага Усходу ў Беларусь.
«Такім чынам заяўнік атрымлівае выгаду ад рэжыму Лукашэнкі і падтрымлівае яго», — гаворыцца ў рашэнні суду.
У выніку суд адмовіўся здымаць санкцыі супраць «Белавія» і пастанавіў, што кампанія мусіць аплаціць усе судовыя выдаткі.
Лукашэнка анансаваў вызваленне цяжкахворых палітвязняў5
Каментары