Што ў ім можна знайсці?
У «Маяку Мінска» запрацаваў самы буйны супермаркет сеткі «Сем пятніц» — з прыстаўкай XXL. Крама на 1100 «квадратаў», піша «Точка».
Кампанія «Юністар груп» абяцала эксклюзіўны асартымент, які не знайсці ў канкурэнтаў.
Чакаць, што абсалютна ўсё на паліцах будзе неймаверным эксклюзівам, не варта: многія этыкеткі вы сустрэнеце ў любым іншым супермаркеце.
Але ёсць на што падзівіцца ў мясным і рыбным аддзелах. Там выкладзены качыны кумпячок за Br17, а крыху далей — 70 г хамону за амаль такую ж суму.
У рыбным аддзеле адных толькі стэйкаў фарэлі прадстаўлена некалькі відаў. Замарожаны можна купіць за Br27, свежы — за Br74, а вэнджаны абыдзецца больш чым у Br100 за кг.
Прадаецца тут яшчэ, напрыклад, вялены шчупак, кіжуч і мноства ўсялякіх морапрадуктаў. Камчацкі краб каштуе амаль Br100.
Ёсць і паста, за ўпакоўку якой давядзецца заплаціць звыш Br20.
Адкрываючы краму, уладальнікі казалі пра тое, што разлічваюць у першую чаргу на пакупнікоў з Уручча, Новай Баравой, ПВТ, а асноўнымі наведвальнікамі стануць жыхары 10-тысячнага «Маяка Мінска» і прылеглага «Усходу».
Каментары